2012年8月22日星期三

思科業績回勇

上星期,大家跌哂眼鏡,思科公佈嘅第四季業績,增長唔錯,順便增加派息。股價從16蚊升上19蚊水平,全年盈利達一百億美金,又打算增加派息及股份回購。

上月,思科公佈裁員一千三百幾人,歷來最多;大部分係中層。整體上新產品唔多,又有謠言話解散廣域優化業務部門WAAS;河床佔咗五成市場後,思科意興闌珊。傳言協作產品WebEx、消費市場產品Linksys等;亦在開刀之列。一連串利淡消息後下,估唔到業績回勇。

思科第四季轉強;因素包括美國市場轉勢,公營開支增加。中國上季增長達百分之十七;其他廠商停滯不前,點解思科一支獨秀?

以產品分類,第四季唔少產品嘅銷售幾乎都下跌;包括交換器、高端視像系統、協作產品、新一代路由系統,銷量至邊際利潤均跌。但無線、保安、數據中心勁升,以數據中心最顯著,Nexus系列銷售唔錯。

思科業績似乎無乜啟示性;同業毫無變動,思科係唔係轉勢,大家睇唔通,不過股價照升,上望二十蚊水平。

另一家即將九月底舉行OpenWorld大會嘅O記,Wilson上廣州後,接班人仍無乜聲氣。舊年,OpenWorld參加人數四萬五千人,今年隨時五萬人,逼爆三藩市。

上月國泰航空轉咗CIO,由原來CLP中電嘅Joe Locandro接任。呢位阿Joe唔多鍾意UNIX系統;特別對I記及O記無乜好感,但國泰航空一直係呢兩家嘅大戶。CLP中電用好多咪記產品,Locandro又好畀面單記嘅活動,同老頂Michael Chue老友。傳聞Michael又再升職,好似渠跑長跑咁,愈跑愈有。

沒有留言:

發佈留言