上星期科技股七零八落，幾乎全部同流動運算有關。
咪記內部職員全球MGX大會，假阿特蘭大市舉行，唔少職員離開香港。同時公佈咪記業績一般，股票捱沽。業績唔太理想，加上Surface RT銷情麻麻，撇賬9億美金，股價出乎意料跌咗12巴仙，係十三年以來最大單日跌幅，市值唔見三百六十億美金。雖然話9億美金（對於咪記）濕濕碎，象徵意思大於一切，流動市場出師不利，市場對前景唔樂觀。咪記Surface RT即刻劈價。
至於Windows電話，諾記公布第二季賣出七百二十萬部Lumia，市場估計佔市場上四分之三Windows電話（總銷量不足一千萬部），以每部電話授權二十三美金，咪記只收一億美金，由於咪記擁有部分Android電話專利權，所以從Android收番來嘅授權費，分分鐘多過從Windows電話產生嘅收入。
雖然話諾記Windows Mobile電話增長不俗，但銷情集中低價檔次嘅Lumia 520身上。諾記再推Lumia 925，配870 萬像素PureView 808蔡司鏡頭，建議售價4,898 ，稍後推出Lumia 1020，達4100 萬像素，應該更加貴。不過Lumia拍攝功能之多，基本上係部專業相機。但諾記低價功能型手機，受國產智能手機衝擊，上季功能型手機在中國銷售，急跌五成；即使Windows電話銷情上升，好難補番條數。
Google業績亦麻麻地，亦受廣告走向流動市場影響，一度跌破九百美元，Android佔去市場半壁，似乎對Google幫助有限。I記業績好過預期，推動業績仍靠軟件及IT服務，系統行業停滯。以流動業務，I記算係策略較完整，但股價升咗一日，見過二百就掉頭向下，兩日打回原型。
上星期閱報，河床亞太區大佬John Higgs辭任，原銷售渠道主管Steve Dixon頂上。Higgs响新加坡工作，家住泰國布吉島，有位日本賢內助，自命最幸福男人，聽聞已加盟另一Startup。
咪記內部職員全球MGX大會，假阿特蘭大市舉行，唔少職員離開香港。同時公佈咪記業績一般，股票捱沽。業績唔太理想，加上Surface RT銷情麻麻，撇賬9億美金，股價出乎意料跌咗12巴仙，係十三年以來最大單日跌幅，市值唔見三百六十億美金。雖然話9億美金（對於咪記）濕濕碎，象徵意思大於一切，流動市場出師不利，市場對前景唔樂觀。咪記Surface RT即刻劈價。
至於Windows電話，諾記公布第二季賣出七百二十萬部Lumia，市場估計佔市場上四分之三Windows電話（總銷量不足一千萬部），以每部電話授權二十三美金，咪記只收一億美金，由於咪記擁有部分Android電話專利權，所以從Android收番來嘅授權費，分分鐘多過從Windows電話產生嘅收入。
雖然話諾記Windows Mobile電話增長不俗，但銷情集中低價檔次嘅Lumia 520身上。諾記再推Lumia 925，配870 萬像素PureView 808蔡司鏡頭，建議售價4,898 ，稍後推出Lumia 1020，達4100 萬像素，應該更加貴。不過Lumia拍攝功能之多，基本上係部專業相機。但諾記低價功能型手機，受國產智能手機衝擊，上季功能型手機在中國銷售，急跌五成；即使Windows電話銷情上升，好難補番條數。
Google業績亦麻麻地，亦受廣告走向流動市場影響，一度跌破九百美元，Android佔去市場半壁，似乎對Google幫助有限。I記業績好過預期，推動業績仍靠軟件及IT服務，系統行業停滯。以流動業務，I記算係策略較完整，但股價升咗一日，見過二百就掉頭向下，兩日打回原型。
上星期閱報，河床亞太區大佬John Higgs辭任，原銷售渠道主管Steve Dixon頂上。Higgs响新加坡工作，家住泰國布吉島，有位日本賢內助，自命最幸福男人，聽聞已加盟另一Startup。
沒有留言:
發佈留言