2013年11月20日星期三

科技盈警

上星期,美國對沖基金Elliott Management宣佈購入河床近一成股權,成為第二大股東,並認為河床價值大幅低估,河床股價彈升,

Elliott Management並要求重整策略及管理層。河床佔廣域加速超過一半市場,舊年十億美元收購Opnet後,股價持續向下,不斷回購。

Elliott Management入股河床,意味好有機會遭敵意收購。河床技術好,除廣域加速,軟件負載平衡Stingray做得唔錯,香港數碼港雲運算亦係用Stingray建社群雲,馬來西亞政府公務雲亦用咗Stingray,家陣大唱軟件定義,更食正條水。

思科04年Q1收入,差過預期,又發盈警,急挫一成幾,其他網絡設備應聲下跌,SDN當道,思科前景堪虞,相當加快重組及收購。

聯想愛麗斯離任,聯想個人電腦銷情唔差,可惜PC大勢已去,手機又好難本港發圍,消費電子遊戲規則唔同,唔少傳統廠商無以為繼。台灣宏碁老頂王振堂,臨危受命亦無法力挽狂瀾,Q3公佈業績虧損新高後請辭,PC市場變天,早年宏碁仍收購Gateway及Packard Bell等品牌,如今又必須為商譽撇賬,Android產品線質素落後。而手機HTC亦唔多掂,Q3終於虧損,聽聞Q4更差,內部大地震,王雪紅重掌銷售救亡。HTC曾佔WP四分三市場,Android市場失利,收購搞到一鑊泡,被三星 LG打垮,如今連小米都不如。台灣Android市場稍有睇頭只有華碩,盈利亦跌,明年推出Chromebook,果然進取。

沒有留言:

發佈留言