Twitter上市

上星期中國網企又再次熾熱，兩家網股納斯達克上市；包括旅行網站「去哪兒」及分類廣告58.com同城，大家可能從未聽過，美國投資者可能矇查查，股價已炒到上天。中國概念再炒熱，今個星期Twitter上市熱身，訂價不斷調高。

科網股回勇，大家聯想阿里幾時美國上市。而國內最近經常談論，反而係阿里CTO王堅，大談「去IOE化」；即係IT基礎建設，唔再用IBM、Oracle同EMC技術。不過阿里一向都好少用IBM，只有少量System P。香港老頂Tony Tai曾話過，阿里一向傾向自行發展技術，好少採用I記，反而就曾係Oracle RAC最大客戶，如今逐步用Hadoop取代， 亦有用部分EMC儲存，亦利用分散式嘅Fabric設計。「去IOE」對O記打擊最大。猶記兩年前，阿里代表出席北京OpenWorld，已經話O記技術，唔足以應付海量需求，語驚四座。

不過，阿里雲與美國廠商不和，早有前科。阿里雲同Acer就曾被Google抨擊唔跟標準，削弱Android生態系統，指阿里想自建門戶，另設標準。究竟中國特色嘅阿里技術，會唔會成為主流，拭目以待。阿里雲支持OpenStack，唔少阿里技術人員出席OpenStack高峰大會，將來可能出現阿里OpenStack技術。

講番中國概念吸引，教育界有唔少IT前輩加入。上星期講開，HP前老頂PY去咗哈羅辦教育。最近見老友話HP前大中華老頂孫振耀，亦成為中國ATA新老頂，專搞考試服務，仍駐北京。

數碼港見到唔少SAP人，原來SAP搬離太古城，用緊Sybase辦公室。而VMware亦有新辦事處，位於太古城四期EMC樓下四樓。VMware辦事處獨立咗，商業系統仍與EMC共同，難分彼此。