2013年11月13日星期三

SDN之父

上星期Twitter上市,股價大幅向上,好多人懷疑Twitter估值過高,加上美國公佈數據唔錯,市場又恐怕美國退市,加上歐洲減息,各國央行貶值刺激經濟,美息加多過減,美債下跌,強美元時代回歸,通通唔係好現象。唔知資金短期會唔會回籠?

OpenStack大會,唔少專家親赴本港。本港好少有咁高質素會議,參與人士唔少皆明星級專家,包括史丹福大學開創SDN研究嘅Martin Casado,唔畢業論文後來成為SDN嘅OpenFlow基礎,渠創辦Nicira,協助推出Open vSwitch開源,Nicira被VMware以十二億六千萬美元收購,如今變成NSX,大部分人心目中,Casado年紀輕輕,已經係SDN之父。

Casado講網絡虛擬化理念,深入淺出。作為開源項目,Open vSwitch解決唔少現代數據中心問題,傳統設備難以解決,NSX採用OVSDB協定,就係從Open vSwitch上發展。Casado演講內容學術味濃,依然極之擁護開源,不過Casado已經成為VMware架構工程師,跟企業文化會唔會格格不入?拭目以待。

除咗咪記,今次大會包括所有主要IT廠商,可謂不愁筆席,地區性會議又出手特別闊綽,餘慶節目多,食物又有水準(唔少人話歷來最好),飛卜幾乎人人畀讚。但係OpenStack移師香港,其中理由係中國有唔少用家,今次與會人士只有三千人,比原先預期少,原因係宣傳不足,好多人响一個月前,先接獲通知。國內有唔少OpenStack用家,又因簽證問題,唔少未能成行(大會可能以為國內毋須簽證到港)。雖然話人數比預期為少,但看與會人士享受程度,好快又有地區會議移師香港。

沒有留言:

發佈留言