2014年1月15日星期三

新一輪收購潮

思科收購Sourcefire,火眼收購Mandiant之後,輪到防火牆PAN有收購,Palo Alto今次亦係買一家針對APT新公司,叫做Morta,主要補充其APT沙盒Wildfire不足。APT已成為最大潛在市場,幾乎人人趁墟,傳統電訊商唔執輸,法國電訊旗下Orange Business Services宣布收購Atheos,呢家位於法國嘅身份及保安管理專家,歐洲有唔少大客仔。

資料外泄愈來愈多,IT保安變大生意。OBS話Atheos強項包括主動網絡防禦、漏洞識別、「低噪音」攻擊信號檢測分析、現場危機管理。Verizon、P仔、單記、NTT紛紛發展保安管理,可見市場唔細。

見前河床Robert Healey,已經過檔F5,渠在河床負責做Evangelist,專講Stingray軟件版ADC。河床孖屐亭隊伍又少一人,只剩標丁先生駐香港,其他駐北京及新加坡。不過河床Steelhead仍佔市場最大份額,除咗Stingray,亦有唔少尖端網絡產品,例如Shark用戶唔少,但收購Opnet後股權疲弱,近日突然急升,曾高見二十美金,市場傳言河床私有化,股價唔反映價值現狀,科技股好靠岳筍吸引人才,河床可能有收購。例如思科,一定對河床好有興趣。思科收購Sourcefire用咗二十七億,河床市值只係三十幾億,抵到爛。

F5嘅生意一直唔錯,以ADC嚟講仍然係最大廠商,平價版則有A10 Networks,亞太區董事總經理John Wei加盟火眼。John Wei以前做過Trapeze同Foundry,網絡技術背景較強,不過APT紅爆,保安技術缺人,唔理得咁多。

沒有留言:

發佈留言