2014年1月1日星期三

Target變咗Target

首先恭祝各位讀者新年進步!

美國第三大零售商Target被入侵,盗去四千萬張信用同埋付款卡資料。今次案件規模歷來第二大。銀行怕黑客破解信用卡或提款卡密碼,事後甚至降低ATM提款額,保障客戶。過節提款受限制,客戶當然唔老黎。

大部分人以為網上購物危險,美國竟然連店內購物都唔掂。Target資料由十一月廿七日開始被盜,即感恩節嘅前一日,直至十二月十五日,犯案選在購物旺季,神不知鬼不覺。Target至十二月十九日,公開系統遭入侵。但十二月十八日,有一位美國保安博客Brian Krebs,已話Target遭入侵,仲指黑客來自烏克蘭,每位客戶資料售價一百美金;非美國戶口價錢,又稍比美國為高。而其中曾經有出售網站,包括從本港註冊,支援被推翻利比亞強人卡達菲Kaddafi.hk。

上星期Target終於提供九折購物優惠,以消顧客不滿。Target九成中咗APT攻擊,上周專做APT嘅火眼亦曾做44美金。本港幾乎家家金融機構都研究緊火眼,因為大家唔想變Target。除咗火眼,上期提及嘅zscaler亦有APT方案。今年金融機構及可能面對更嚴講要求。PCI DSS 3.0剛出爐,唔少處理信用卡嘅零售店亦要重新檢討法規遵從,Web防火牆Impreva生意應該唔錯。

舊年十一月VWware收購Desktone之後,已經向多家亞太區電信商合作,推出VDI雲端服務,聽講台灣中華電訊首季推出,內地中國移動及中國電信亦會成為服務供應。據VWware負責Desktone嘅Anthony Lim話,香港亦有幾家傾緊。外地Desktone有同大地瓜合作,但香港同電訊商合作可能性可能性似乎大啲,好似P仔同九倉。

沒有留言:

發佈留言