VMware新老總

新任VMware香港總經理譚仲良係IBM出身,渠話最近兩單收購,令渠好感觸。今年一月,聯想(HKSE: 992)宣佈以二十三億美元,收購IBM嘅x86伺服系統,差不多時間飛卜亦以一百九十億美元,收購手機即時通訊程式WhatsApp,IBM嘅x86伺服系統全球僱用約七千五百人以上,屬於精良科技人材,而WhatsApp只有一百名僱員,WhatsApp收購購竟係前者八倍以上。如果以人均計WhatsApp每名員工創造咗一點九億美元價值,而I記每名員工價值只約三十萬元金。譚仲良話世界真係變得相當快。不過IBM買硬件,多少亦因為VMware,唔少I記中型機都被VMware取代,以致I記必須急謀對策。以往,康柏收購迪吉多,亦引起唔少爭議。收購未必一定可以令好技術發揚光大,如果當日迪吉多保持獨立,可能亦係另一家IBM。

Danny以前亦曾主管過VEC,即係VMware、EMC、思科嘅vblock,負責雲運算。雖然話VMware收購咗Nicira,不過似乎並未太大影響,新嘅ViPR軟件定義儲存,亦會加入VEC,以抗衡OpenStack影響。而Edward Yeung目前主要負責大中華區用戶端業務,聽講比較少番香港新辦公室。

上星期四,美國納指下挫達3%,重鎊股Netfix及飛卜分別下跌半成,Web Application Firewall(WAF)廠商Impreva公佈完首季業績之後股價,單日大跌四成三,拖累之下連近期好紅嘅火眼都下跌一成。不過火眼上星期响統一中心搞會議,反應唔錯。

網上攻擊持續,Impreva上季業績唔錯。但係今年唔少ADC,包括F5 ASM、Citrix及河床Stingray都包括WAF,乜都有嘅Fortgate亦推出WAF,IBM收購Watchfire亦推出Appscann,加上Guardium產品陣容非常完備,只有單一產品嘅Impreva,確係四面受敵。