河床甩難

前中大校長高錕在英國工作，受中大創校校長李卓敏邀清返港辦電子系，向本港各大公司管理層叩門，成立咗「三文治班」（sandwich course placements），其中一年到大公司實習，一來令同學有實戰，亦增加學生就會機會。

上星期，咪記與理工大學攜手成立Smart Computing Laboratory聯合實驗室，激發學生創意，向理大學生免費提供軟件、雲端服務、顧問服務、實習機會，三年投資一千萬港紙。講起嚟，咪記老總Horace Chow亦曾讀過理大，之後到英國讀書，第三年亦參加三文治班，之後茅塞頓開，最後一年開咗竅一樣，所以相當支持學生外邊實習。

理工大學亦有類似計畫，學生到外邊實習亦可攞學分。但據電子學系講座教授曹建農話，理工大學亦有想過，但發覺比較難搞三文治；因為學生遲一年畢業，UGC唔高興。

每年，唔少學生到咪記實習，咪記又向拍乸爭取學生實習機會。Horace話，除咗業績增長，社會服務亦係衡量員工KPI。成立理大實驗室外，咪記亦有多項Spark義務計畫回饋社會，除咗幫助青少年同學，亦包括新一代城市同支持非牟利組織等等。

上星期，河床終於被Thoma Bravo以每股廿一美元私有化，不再上市。河床同BlueCoat及Compuware被同一私募基金持有，一再要求改革河床咗Elliott基金，亦提出過收購但被拒絕。Elliott持有唔少科技公司股權，通過呼籲（或威脅）呢啲公司改善管治提高股東回報，唔少不勝其煩，甚至傾向取銷上市地位。

最近Nutanix產品介紹會，發覺蛇仔又做咗Nutanix代理，已經重出江湖。蛇仔出售畀「佐屎」後，改咗名叫「狗狗」，原來並唔包賣殻，只係賣咗客仔同代理權。而家好多人仲習慣叫「狗狗」做蛇仔，以後要改番口，唔好叫錯狗仔做蛇仔。