DJI飛出一片天 科大再創投資奇跡

十年前，大概沒人想過航拍可成為一門大生意。無人駕駛機開始時只用於美國軍事用途，執行偵察或攻擊任務。深圳市大疆創新（DJI）由香港科大2005年畢業生汪滔創辦，香港科大亦有份投資。呢家創業公司可能係繼Hong Kong SuperNet嘅Pindar Wong之後，科大最成功投資。當年科大投資本港第一家ISP出售，Pindar Wong亦在科大讀博士。呢位黃先生，就係前高官黃錢其濂位公子。

2008年，汪滔推出首款消費級航拍產品Phantom，無人駕駛直昇機加上照相機，發展一門新事業，佔去全球市場五成。呢位汪滔亦係梁特首老友，聽聞特首辦內亦有隻Phantom，識唔識飛，就唔知嘞。

DJI從消費級Phantom 2 Vision+，以至專業級八旋翼飛行平台以及六旋翼Spreading Wings s1000及s900。DJI開發高精度三軸陀螺穩定雲台設計，平衡飛行時轉動同風向嘅影響，可拍攝穩定視頻；用於土地探測，考古、救援、紀錄片、甚至野生動物保護。即使近期佔中，電視台都用大疆航拍做新聞。

DJI飛行平台支援GPS，一向可在室外作精準定位懸停，鎖定高度同位置拍攝。

而新出Inspire 1，中文名叫做「悟」，再加上視覺定位系統，採用特別定制相機及超聲波，即使室內無GPS信號，依然可作定高定位懸停拍攝。Inspire 1採用了特製球形攝錄機，支援4K拍攝，相機更加輕盈，飛行非常寧靜，採用變形起落機身，相機可視角度達360度，完全無蔽擋問題。DJI亦推出SDK，可根據不同要求操作Phantom 2 Vision+，只要輸入預定路線可以進行測量和連續拍攝功能。

聽聞DJI今年營業額可望達十億港元，離上市之期不遠。陳繁昌校長讚科大學生有創意，用嚟形容汪滔，就肯定無問題。