偉易達中伏

上星期新加坡Symantec全球第六個保安營運中心在新加坡開幕，同時當地又舉行Strata + Hadoop World，Suntec City酒店間間爆棚。

Symantec積極發展企業保安服務，其中Cyber Security Services託管式保安服務增長最快，原來負責Incident Response服務嘅Paul Black來自英國警方，曾負責成立英國警隊首支電腦犯罪調查組，一直做蒐證工作，偵破英國唔少電腦犯罪。

Symantec亦有做物聯網IoT保安，負責IoT嘅Brian Witten以前位職美國空軍高級國防研究計畫DARPA，對重要設施防禦好有經驗。IoT防禦包括醫療、電力、汽車、工廠等，資料分散，機器之間建立保安連接好緊要，目前Symantec正保護超過十億件互聯網物件。歐洲唔少汽車利用咗無線車匙，偷車破解無線車匙後，基本上被盗賊予取予攜，穿戴式設備，亦可外洩個人私隱。

近年電腦犯罪往往針對跨國集團，Brian亦提到近日香港偉易達(HKG:0303)兒童平板電腦資料外洩問題。接連兒童玩具，亦係IoT之一。偉易達馬上聘請咗火眼嘅Mandiant做Incident Response。其實客戶資料外洩，已經變成公關災難，仲竟然聖誕購物旺季前出現，真係詭異，不過，偉易達賊過興兵未必足夠，除咗公關補救，分分鐘仲有法律手尾。

飛機上，見到從Splunk轉投Elastic嘅Steve Li，亦剛參加Hadoop World，講起Splunk分銷商UDS； 話UDS嘅杜Sir杜嘉倫响錦繡花園選區議員勝出，可能轉任全職區議員，唔做IT了。