香港體感研究

最近見到一隻香港健康手環名叫 HeHa Qi，係李錦記健康食品「無限極」品牌屬下爽樂科技出品，台灣國立中央大學合作開發。HeHa Qi利用ECG測量心電信號，測出心率變異性分析（HRV），判斷自主神經系統的健康狀況。量度心跳比ECG其他品牌以光學技術PPG更準確。HeHa Qi亦較輕巧，電池續航力強；唔怪得Jawbone搞到要裁員原來香港體感研究發展亦唔落後，剛遇到一家叫Racefit嘅公司，專研究運動體感，幫助運動員矯正姿勢，例如單車同滑雪等運動，姿勢正確可發揮運動員潛能。Racefit創辦人Terence Lam話正研究緊25種運動體感，希望幫運動員奧運取得好成績。Racefit商業潛力好高，愈來愈多人學習運動；Racefit好似隨身教練，從身體蒐集資料，傳到手機，就知自己做成點，減少受傷機會。

上星期VMware同NTT全球論壇撞期。NTT宣佈本港第二個金融數據中心(FDC2)十一月啟用，係目前本港最高檔數據中心，共七千隻櫃，每隻供電達24kVA，以密度計全港最大。今次NTT Communications新上任代表取締役社長（即係總裁）庄司哲也出席。

vForum見到新老總Charleston，剛見過新任局長Nick，話港府要推動科技，一定要身體力行，推動雲運算，政府開風氣之先，自己先做。渠話香港多應建高質素數據中心，類似NTT之類。但梁特首經常話搵地難，土地成為香港發展問題樽頸，地方利益太多，樣樣事倍功半。