百度聆聽能力叻過人類

如果話人工智能邊家最勁，唔少人都以為係Google，上星期百度宣佈，深度學習（Deep Learning）研究，聆聽英文及國語嘅能力，準確度達百分之九十九，以比一般人聽得更好，處理自然語言能力到咗另一水平。

開發深度學習係吳恩達，曾經領導Google Brain計畫，開發Google眼鏡及無人駕駛。呢位吳恩達父母都係香港人，响倫敦出世，後來入咗Carnegie Mellon讀大學，再取得麻省理工碩士，加大柏克萊分校獲博士學位，再進入史丹福執教十二年，曾教 Youtube自動辨認出影片內嘅「貓樣」，又創辦免費網上學習平台Coursera，再加入Google。舊年，百度老板李彦宏力邀之下，加入深度學習研究計畫。百度聆聽能力可以幫助在人工智能方面，超越微軟同Google。

上星期話Westcon Solutions 分銷SimpliVity OmniCube，並且同思科統一運算系統 (UCS) 整合的 SimpliVity OmniStack 方案；分銷協議幅蓋亞洲（包括新加坡、中國 大陸 、香港同台灣），因為SimpliVity除咗超融合，亦可在 hypervisor之下管理8 至 12 種完全不同功能，採用速度最快嘅Inline deduplication，可以慳番好多儲存空間，並有複制及備份功能，甚至做埋廣域優化。

超融合方案以Nutanix最早進入香港市場，VMware亦力推VSAN，市場開始認識超融合方案優點，SimpliVity選擇呢個時候進入亞洲，適得其時。