咪記成屋接線生

華爾街日報傳聞HP有Reorg，又話IGP同PSG合併，謠言滿天飛，信不信由您。但唔知點解，最近HP交貨慢，「迪史」話原來供應鍵系統要「升呢」，減少存貨，叫大家有啲耐性。

HP幾多變動，聽講發哥又返去做前銷售，不過依然做留任策略聯盟，一身兼數職，能者多勞。Eva Hui辭咗職，佢係Kevin愛將，以前同Zoe大姊同添，不過聽講佢係返屋企專心湊仔，走得好開心。

Mark哥想向股東交待，想响石頭鑽出血。節省成本唔係唔好，但變動頻密有時真係唔適應。

上星期打電話去「咪記」，點解電話長響無人聽？唔通又Reorg？老友回電，話一朝返工，檯頭電話不翼而飛，原來全公司轉用「軟電話」，電腦做埋電話，大家初期適應有問題，唔識點接電話，好彩仲有來電顯示。

咪記幾年前推出OCS（Office Communications Server），不過真正採納嘅公司唔算多，今次身體力行，自己全部用哂UC，可謂真係食番自己啲狗糧，下次換PBX前可以到咪記參考吓。但係載住耳筒講電話，始終好似接線生咁，傾起嚟論盡到死，收音有時仲有問題，下次都係決定打手機算嘞。

藍衣又大地震，經濟未復蘇，又一證明。