2009年12月16日星期三

廚房好熱

上次提及保安市場愈嚟愈熱,除咗Palo Alto Networks積極嚟香港開拓市場,準備進攻IPS市場。最近網上大舉宣傳向三大主要品牌;包括IBM响前年收購咗嘅ISSTippingPoint(本來喺3Com產品,即將成為HP一部分)同埋McAfee IPS宣戰。

Palo Alto Networks嘅網上廣告有幾塊墓碑,寫咗以上三大品牌宣佈傳統IPS死亡,因為新一代防火牆已經超越傳統IPS嘅性能。據講唔少公司研究緊Palo Alto嘅性能,應用層嘅防火牆下年應該會大熱。

上星期McAfee推出一隻叫Network Threat Behavior AnalysisNTBA)嘅設備,可以根據行為模式,監察內部電腦有無被嘅病毒同埋蠕蟲攻擊,然後即刻殺蟲兼消毒,或者利用IPS截擊,仲可以結合ePO管理;聽落勁過「單記」果隻SSIM,問過負責嘅產品經理珊姐,佢話要下年先至會有貨,不過已經好多人問。

另一家叫Celestix嘅公司,以前專門生產咪記ISA嘅安全設備,叫做MSA。佢哋亦有隻產品專做SSL VPN,亦係用微軟平台,叫做WSACelestix產品好針對咪記平台,不過佢哋負責亞太區銷售嘅Kevin Woo,最近就到香港介紹一隻專門做應用層負載平衡嘅產品XTM,亦可以加速應用傳送、SSL/TCP offload,追住F5Big-IP嚟打。

Kevin話唔少Big-IP到咗更換期,而XTM性價比又好,所以有信心爭取到一定市場。XTM仲可以虛擬化响VMWare上,彈性好大。近期金融客戶開始活躍番哂,所以選擇响香港搞多啲活動,廚房真係愈多愈多人。

沒有留言:

發佈留言