FalconStor搬大屋

話就金融海嘯，不過科技公司搵辦公室唔容易。科技公司從太古坊，去到觀塘創紀之城，最近唔少又去到九龍灣，連宏利IT都搬埋去觀塘，做IT外判嘅Atos Origin以及儲存嘅FalconStor都搬咗去九龍灣嘅新商業大廈Exchange Tower，變咗樓上下鄰居。呢幢大廈由信和做發展商，除咗發展商經常唱嘅空中花園露台，二樓平台有啲似IFC，大堂職員戴哂白手套，好酒店feel，仲係A級商業大樓。

FalconStor從中環搬去九龍灣，主要係地方唔夠駛。最近幾乎每月都有IT公司搬去九龍灣，附近食肆林立，晚上有特惠，有啲似太古坊。今年儲存市場仍然增長，請人好困難。Symantec嘅Larry亦話會力推Backup Exec，新版本送埋Dedup功能，好犀利，但聽講佢哋孖屐亭Rita又過檔另一家備份軟件商。講起儲存產品，以前做開Bakbone嘅衛詩利David Vesley，返嚟香港亦係做另一隻儲存產品StorageCraft。衛先生係加拿大人，除咗好飲得酒，仲識講德、法、泰、廣東話，唔明佢點解唔去教語文，要搞IT。

Macros過檔Crossbeam之後，F5終於搵到新人返工，就係以前响太陽跟開電訊業嘅Gary Lee。今年好難到數，希望第四季好啲。此外，剛上市嘅Fortinet亦有新人返工，替代去咗B&Data嘅Patrick Lai，聽講話從H3C過檔。