用友改英文名，向雲端進發

中國商業軟件公司之中，以用友規模最大，本港唔少食肆；包括小南閣同俏江南，都用緊用友，亦有唔少財務應用，本港有幾百用戶。

用友英文原本名UFIDA，最近改名叫Yonyou，貼近番中文發音。不過Yonyou嘅正確拼音應該係Yongyou，少咗個G字。據剛加盟用友嘅公關Ivy Lam話，公司改新名，加入，去咗萬里長城做騷，宣佈向雲運算轉型，叫做「新長城計畫」，又推用友雲，陸續推出雲產品，唔知香港有無份。

用友嘅主打係ERP軟件，响歐洲同Atos合作成立「雲安」，加快國際化速度。全球唔少CRM、甚至連ERP都以雲端化，長遠對傳統廠商好大威脅，有危有機，雲運算亦係開拓全球市場好機會。

上期講保安難請人，河床Eddie Fong去咗單記做DLP部門，渠哋請人都話有困難。另一家NTT屬下嘅Intergralis聽講亦請緊人。Barry大隻佬唔撈紅帽，去咗Aruba，剛收到話Aruba升呢咗做Gartner嘅Magic Quadrant領導者，可見技術有番咁上下。香港唔少大專院校，除咗科大用咗思科，都用緊Aruba。港澳政府嘅公共無線網，亦係渠哋客仔，生意確係唔憂做。