2012年7月25日星期三

惡意程式四圍走


網上惡意程式變種愈來愈多,專門盗竊機密,部分政府情報機關開發,作為攻擊或收集情報,好似ConfickerFlame,盛傳係以色列情報機關散發,針對破壞伊朗核設施基建。

上月,八十幾位西藏流亡同藏獨份子,不約而同,收到自稱歐盟發出既電郵,電郵附件係有關西藏人權新議決既Word檔,但後來發覺內含惡意程式,自動連結本港「第一線」數據中心內一部伺服器,遠程入侵受感染嘅電腦。

據「單記」公佈,今次攻擊藏獨嘅惡意程式並唔新開發,只係五月美國發現嘅一種惡意程式,簡單改頭換面成變種。用戶一旦唔更新WordUpdate,隨時中招。至於有乜人有興趣攻擊藏獨份子,點解用香港作為基地,留番俾大家估吓。

事實上,同一時間,敘利亞記者同反對派亦受感染嘅Skype戶口攻擊,利用一段視訊內含惡意程式,意圖監視反對派。今年生意大家麻麻地,唔少大陸廠商仲發盈警,中興話下半條數唔係好掂,聽講華為海外生意亦受影響,要削感開支,唯一唔受影響就係保安,可見呢樣嘢真係無得慳。


沒有留言:

發佈留言