IT唔易做

HP改組，剛從新加坡調嚟香港嘅老外高層，一位返回澳洲，另一位就暫時做番AP區域。外國高層員工調嚟香港，除咗搵屋，又要兼顧家庭，跟住改組又要返祖家，實在麻煩。聽講合併之後嘅新集團由以前管開IPG嘅Monty Wong坐陣。

前HP靚佬總經理Felix施，台灣歸來後，做咗一陣TradeLink就鬆人。原來最近去咗美麗華集團做COO，四叔旗下酒店改咗叫Mira後Rebrand，由李家誠打骰，經營手法進取，再開咗幾個高層位置，請咗施總坐COO，肯定睇中渠嘅IT背景，酒店愈來愈揩踢，話唔定Mira酒店有機會用IT升呢。

咪記傳聞亦係改組之中，大中華老頂Simon Leung就咗四月份請辭後，派位德國老總代替，有唔少變動Simon Leung以前做開摩記，係咪記前老頂Tim Chen死黨，兩人都捱到四年，算係唔錯。但係咪記要推手機平台，Simon Leung未入摩記已經做開手機生意，好有經驗，點解陣前易帥，真係唔明。內地媒體話渠唔夠硬，打擊盗版不力。咪記派來首位老外CEO，內地媒體相當好奇，不過呢位新老總Ralph Haupter前景，未被中國傳媒看好，內地消費者受軟唔受硬。

前HP做IPG去咗咪記嘅Zoe Kwong，聽講去做電子書。IPG上任做孖屐亭嘅Kit姐就轉咗去LG賣電視。唔通IT真係唔易做。