愈大鑊愈快樂

上星期，Yahoo!被攻破，四十幾萬個用戶及密碼被盗，成為美國大新聞。黑客連續得手，近期保安公司肯定好忙，因為人人自危。

繼LinkedIn之後，估唔到咁快有第二家大型Dotcom失守。《紐約時報》訪問美國保安公司Rapid7，發現原來戶口之中，有唔少戶口屬於GMail、Hotmail、Live.com、Verizon等系統。美國每逢有系統入侵新聞，媒體一齊訪問Rapid7，變咗例行公事。

香港各家保安公司馬上接到唔少電話， NTT屬下嘅Intergalis亦正請人，呢家保安管理公司响歐洲好有名堂，2009年被NTT收購。每逢有保安事故，單記及賣咖啡亦一定好忙。

上星期SingTel嘅旗艦雲運算產品PowerON Compute終於推出，星期五拉大隊去沙田數據中心慶祝，PowerON係SingTel嘅IaaS解決方案，特別係相當靈活，有一個月試用。另一家CPCNet，亦有唔少雲運算產品推出，旗下SmartCloud仲夾埋富士施樂，推出雲端文件管理方案，夾美國嘅文件管理ParaDM方案。近期雲運算嘅會議特多，以前七月例靜，今年一樣咁忙。

上星期講開，Monty  Wong會領導香港HP合併後嘅IPSG集團，即係IPG及PSG合併後嘅新部門。呢位仁兄，响泰國PSG做咗兩年總經理，又曾去過台灣坐鎮，終於返嚟祖家香港擔正。上期一時手快，講錯渠係IPG出身，真係鎖呢鎖呢。