今月咪記多項發佈

HTC委任咗Kinson Loo盧健生做港澳區老頂，呢位盧先生在大陸相當有名，曾做過英國INQ手機大中華區老頂。 INQ係李嘉誠和記黃埔全資擁有嘅手機生產商，專做响英國做Android平價手機，以上Facebook夠快聞名，亞太區以印度做得較好，Kinson以前亦做過SonyEricsson同摩記中國區高層，而家就返嚟睇港澳區。

Kinson Loo係道地香港人，國語講得標準，亦係專欄作家，又出過商旅見聞嘅《出差旅人》等書，上過中央電視台嘅《人物》節目，講食麵著衫，渠每次返香港，第一餐就去中環鏞記幫趁，可惜甘老大剛已作古人。蔡瀾話，呢位盧先生係麵痴，可以一日三餐食麵，介紹中環鏞記嘅雲吞麵，話係全港最正宗。鏞記唔講燒鵝而介紹「金魚尾雲吞」，食得一絲不苟。

Kinson返嚟駐守香港，可以食番啲好嘢。十月廿九日，咪記會响三藩市發佈Windows Phone 8，生產廠商包括諾記以外，仲有三星、HTC同華為。其中HTC的8X最早現身。

咪記亦終於決定十月廿三日，响上海發佈Windows 8，今次係德國老頂上場後，首次推重大產品，Ralph Haupter接咗Simon Leung棒後。上個月Haupter話咪記會响中國再聘請多一千員工，開發經費加一成半，又話致力增加Windows Mobile嘅開發人員。但咪記比較Android同iOS市場細好多，點樣吸引開發人員？真係願聞其詳。

HP股價持續向下，終於CEO出來解畫Meg Whiteman話華爾街同媒體唔瞭解新嘅HP。今日HP推出新打印機同埋手提電腦，印象中係兩個部門合併後第一次重大發佈，大家認真啲瞭解吓。