太古坊效應

法國電訊公司Alcatel-Lucent原本在太古坊常盛，因為太古坊2期重建，搬咗去英皇道泓富產業千禧廣場，响北角海逸酒店旁邊，裝修剛剛完成。太古重建太古坊，包括和域大廈亦短期內重建，唔少IT公司搵地方搬。太古坊可以話成功製造IT公司叢集（Cluster）效應，附近商廈稍後需求可能大增。

講起話音，本港唔少人做服務中心（Contact Center），大部分都係用IDA-P線路，其實好無彈性。不過聽講香港大電訊商積極籌備SIP  Trunk，大家無須再在PABX上插轉換卡，上星期薄餅正式推出SIP  Trunk，其他電訊商推出亦應該為期不遠。Asterisk為人熟悉，好多人期待SIP  Trunk。Alcatel嘅PABX亦支援SIP  Trunk，直接駁寬頻線講電話。

NTT亦在本港大展拳腳。8月22日，即係下星期四，NTT再在香港會議及展覽中心，舉辦NTT環球論壇，主題係雲運算及未來數據中心，第一場演講係IDC亞太區新興技術研究總監Claus Mortensen，價錢絕對唔平，不過NTT大把錢，所以唔計較，其餘又有NTT介紹SDN技術。