瘦田有人爭

HP同埋Dell爭3Par，令到返呢家公司炙手可熱。Dell一向同EMC合作賣儲存，不過OEM合約限制多多，搞到兩家公司積怨甚深。低檔儲存方面Dell有唔少客仔，亦唔想再賣Clarion，想有自己既產品線，Dell必須通過收購，建立儲存產品線。而HP過去有唔少收購，3Par產品嘅性能亦唔獨特，主要管理虛擬化儲存，市場佔有率唔大，唔明解 HP咁熱心收購。

不過，EMC、日立、同I記响高檔市場打到難分難解，HP仍須努力，亦當然唔可以放過Dell，所以3Par爭開有人耕，漁人得利。以上嘅陰謀理論成唔成立，真係難講。

今年儲存市場VTL仍然熱賣，而VTL嘅靈魂係Deduplication，即係刪除冗餘技術，EMC買咗Datadomain，而日立同FalconStor合作，I記買咗Diligent。不過hp亦OEM一家Sepaton（呢家公司名字好易記，其實即係”No Tapes”倒轉嚟寫）技術，問題係市場佔有率唔大。單記既PureDisk，性能唔算突出，勝在Backup Exec同Netbackup响備份市場領先，亦有啲捧場客。雖然Dedupe廠家唔少，本港活躍可以講只係以上數家。特別係FalconStor，增長好強勁，Sun俾O記買咗之後，聽講亦加入新嘅Dedupe技術。Sun以前亦係FalconStor拍乸，以後唔知點。

另一則有趣新聞，係新學年開始，兩大PC廠商HP同埋Dell都話銷售遜於預期，大家必須搵新出路，儲份技術嘅利錢唔錯，值搏率好高。