2010年9月2日星期四

保安人材好搶手


上星期講開收購不斷,跟住傳出hpDell鬥一番,收購一家叫3Par嘅儲存虛擬化技術公司。3Par在港不見經傳,竟然會引起兩家大公司垂青。

hp新任軟件 Kelvin Cheung碰面,原來佢駐上海八年,專做「乾收銀」負責落實企業軟件,上海有唔少金融客仔。最近佢調返香港,睇返軟件業務。近年hp收購唔少軟件品牌,但放得落軟件部門,一定要有策略價值,可以幫助技術服務部門做生意,同I記砌過嘅產品。因為買得hp軟件,當然唔介意買埋服務。

Kelvin嘅產品線,包括以前OpenViewMercury,不過全部改哂名,佢哋產品有十一大中心;OpenView變咗商業技術優化方案BTO其中幾個中心:包括營運中心、網絡管理中心、商業高可用性中心等等。Mercury就變成軟件生命周期管理嘅產品,好似確保軟件質素嘅QC,競爭對手仍然係Rational

Kelvin話放棄舊名,係因為客仔比較關心唔同嘅應用,所以重新歸類有助客仔採購。佢話hp响本港其中一個主要市場,係好多公司嘅IT商業程序,其實都未曾自動化,而法規遵從要求又愈來愈多,唔自動化好難管理。所以BTO亦包括咗幾年前,專門搞數據中心同虛擬機器管理自動化嘅Opsware,而家就變咗數據中心自動化中心。

hp買起3Com,改名做hp Networking servicesTipping Point應該會歸入Procurve一齊賣。講起Tipping Point,算係3Com產品嘅「亮點」。3Com响數據中心市場佔有率唔算高,但Tipping PointIPS市場口碑好好,速度好高,一度大幅超越MIPS同埋IISS等產品。

講起收購,另一家保安軟件公司ArcSight,聽講亦猛約人斟盤,買方可能係O記或hpArcSightLog management好出名,不過客仔以國防保安為主,佢哋北亞區嘅老頂Shriner施博修話,香港並唔算係主要市場,主要對手應該係「單記」嘅SIM,好似地鐵就係其中一位SIM客仔。hp如果買埋ArcSightKelvin可能又多一個乜乜中心,聽講ArcSight叫價高達十五億美金,唔算平。

FortiNetEric Tsoi講起,原來MTech以前睇Tipping PointWilliam,過檔去咗負責Fortigate防火牆。Fortigate賣得唔錯,Eric轉做Web application security,對手變咗hp同埋F5Eric又話M記另一位William,專門搞Riverbed嘅去咗P仔,保安產品人材真係好搶手。

沒有留言:

發佈留言