蘋果股價被震散

輻射無色、無臭、無味，殺人於無形。日本隔香港三千公哩，香港人依然挍盡腦汁抗輻射。相對起嚟日本人，反而無咁緊張。香港人可以話先「天下之憂而憂」。

香港人亦發揮「驚死怕執輸」性格，搶購奶粉、鮑魚、海味、鹽、海帶、紫菜…

地震同一日，蘋果公佈iPad 2，據報日本天災會影響蘋果零件供應鍵，因為日本係全球NAND快閃記憶最大生產國，富士通同東芝廠房受損，有人以為iPad 2供港時間推遲，水貨佬就以為iPad 2有排炒。

蘋果電腦股價上周大幅滑落，不過主要唔係俾地震震散，因為富士康業績倒退，所以有人聯想蘋果iPad 銷情唔好，分析師就調低蘋果投資評級，令蘋果出現小股災，從三百五十幾蚊美金，跌落三百三十，跌超過百分之五。

雖然話NAND快閃記憶供應可能短缺，但市場人士話蘋果已經係NAND快閃全球最大買家，肯定優先獲得供貨，加上手頭現金達四百三十億美金，財雄勢大，供貨一定唔會受到影響。不過，近年日本一直係蘋果銷售增長最快速嘅地區之一，目前佔總佢哋銷售達百分之六。日本市場放緩，供貨其他地區就更充裕。而

NAND快閃短缺，只會打擊其他「細規模」嘅生產商，好似三星、摩記同HP呢類平板電腦廠商。