Twilio一洗科技股頹風

最近，特首梁振英在創科活動上說，創科局成立8個月，創新創科的氣氛已經形成；香港確有唔少創企，不過外地創科公司亦積極發展香港，尤其唔少法國創科亦選擇香港作進軍海外市場，法 政府亦有La French Tech，鼓勵法國創科。


法國新創企業家在港突圍，最出名可數8 Securities，創辦人Mathias Helleu曾經係ETRADE高層，利用AWS及Splunk等建立全雲端證券買賣業務，聽聞8 Securities更係AWS本地最大客仔之一；其他有推廣新一代設計師嘅BuyMeDesign、網上市場推廣公司55等。La French Tech甚至有香港網站，向有意來港法國公司介紹。

最近專門推動法國科技創業嘅La French Tech表示，有另一家創科公司Agorize，亦會來港發展業務，Agorize經常同大學搞Hackathon，挑選意念成為創科，推薦畀企業作內部創新，聽聞相當成功。法國大企業數量其實比德國多，實力雄厚，法國政府積極推動企業投資初創。據《時代雜誌》介紹，最有機會接奧朗德總統寶座，係法國經濟、工業及數字事務部長Emmanuel Macron。Macron曾經同法國數字部長Axelle Lemaire，親自到美國賭城CES，介紹初創企業。Macron上任後，肯定再大力推動La French Tech，作為法國經濟火車頭。

http://www.agorize.com/

雖然美國股市屢創新高，科技股上市仍乏善可陳，新上市科技股插水。而估值超過十億美元，仲未上市嘅獨角獸企業，更不見蹤影。六月底，Twilio終於上市，市場完全改觀。首先，Twilio以最高訂價15美元上市；一個月內炒上四十三美元，市值升到三十幾億美金。Twilio創業八年，以軟件即服務提供短訊及VoIP服務，雖然未見盈利，收入增長幾好，Twilio股價表現強勁，加上美股向上，未來幾個月會應陸續有科技股上市上周，咪記公佈第四季業績，再為諾基亞減值76億美金，但Azure收入增長一倍，Surface營業額升近一成，股價造好。但上星期最令人關心，可能唔係乜嘢業績，而係幾時有得玩Pokemon GO。唔少人就預言，Pokemon將成電腦保安最大隱憂，唔少玩家一旦沉迷，對陷阱就掉以輕心，尤其利用Android系統APK安裝，更可能中招。