最受讚賞CEO

上星期八達通開記招，介紹新版「好易畀」（O! ePay），第一版四月份時推出，上一代申請手續繁複，行政總裁張耀堂解釋，政府八月底先發出網上儲值支付服務牌照，之前開戶以銀行牌照辦理，所以用戶普遍反應都話唔方便，所以四月至今上客唔多，主要係試水溫。

張耀堂話，Fintech並無贏在起跑線，不過面對流動支付方案競爭，八達通都要變陣。「好易畀」可為八達通增值，唔少人用嚟幫小朋友或傭人增值，如果用iPhone，就要加埋流動讀寫器，因為蘋果無開放NFC讀寫器。

除咗用戶人數要谷，目前「好易畀」亦用於網購，但主要購物網站以經可以用八達通，但PPS亦做得唔差，張耀堂話亦「好易畀」會推實體商店。但如果又向目前接受八達通商店推「好易畀」，豈不是自己打自己；所以會以較小商號為主，可能用QR code就可支付，比用八達通方便，商戶收幾多服務費仍然未知。

八達通發行量已達三千萬張，唔少人仲有幾張，而自動增值又做得好成功，所以「好易畀」增值八達通只算係Niche market。「好易畀」亦唔可用於交通工具，取代神沙。不過未來「好易畀」亦應可儲積分，易賞錢或其他消費取得積分。八達通同唔少商號合作，推廣有一定優勢。

今日又係Juniper Innovation day，英國招聘網站Glassdoor公佈2016年最受讚賞CEO，Juniper老總Rami Rahim亦榜上有名，九成八員工認為渠做得唔錯。Glassdoor排名係由員工選出，今次係由超過千幾名員工投票，並且有九成半以為工作環境相當唔錯，Rami係Juniper嘅MX路由器設計師，今日出席有AT&T以及Equinix亞太區代表，亦包括中電IT架構師。