2009年9月10日星期四

坐看雲起時

經濟好轉,廠商扭盡六壬,即刻活躍推銷。各大陣營都開始唱雲端運算,HPI記都話好快會有雲端運算嘅產品。不過有關雲端運算嘅討論,依然係一舊雲,唔清唔楚。大家都講緊唔同嘅嘢,據HP負責技術服務嘅Cally話,有一樣可以肯定,就係市場對「雲運算」好有興趣。

HP對雲運算一啲都唔陌生,因為有經營Snapfish嘅經驗。SnapfishHP05年收購返嚟嘅網上照片分享服務,係Web 2.0應用先驅。後來HP實驗室唔少新產品,都用Snapfish做概念驗證,然後做埋宣傳添,好似早前推出嘅大型儲存體StorageWork  9010 Extreme,就係首先响Snapfish試用。

Snapfish又幫打印部門IPG做咗唔少生意,响印度同中國大陸有Snapfish打印零售服務,而家又用嚟做雲端運算嘅生招牌,呢條魚,可以話物盡其用。

講返雲端運算,Cally話企業最關心係雲運算嘅保安問題,遲啲HP會詳細介紹。除咗I就嚟推雲端運算,下個禮拜連Dell嘅本地老頂Steve Lam都話會出嚟講雲端,可見呢舊雲真嘅商機重重 ,好似超人話齋,「富貴如浮雲」,睇吓邊個快手啲嘞。

Cally以前管理HP嘅外判(Outsourcing),後來HP收購EDS,轉咗負責技術服務部,向客入提供技術諮詢同系統整合服務,亦幫客人起數據中心,佢哋有位行政人員 Albert Lam,仲係 統一通訊嘅專家。



沒有留言:

發佈留言