中國公關第一人

上星期I記到澳門搞客戶會議，介紹認知運算。I記從英國石油招聘大中華主席陳黎明，接替舊年退休錢大群。以能源行業背景；接手全球數一數二IT大企業，呢位黎明先生態度親切，談笑用兵。渠話唔少系統，非常之唔人性化。渠試過遺失信用卡，銀行語音系統唔知客戶心急，只係按本子辦事，按來按去。渠好期待認知運算，可急客人所急，知道緩急先後。不過，其實I記已經同Hilton酒店合作，推出機器人Connie，解答客人查詢，背後就係用Watson機器學習；將來大家去到Hilton大堂，可以同Connie打個招呼。

另外，I記大中華區副總裁周憶（Gill Zhou）。周女士被譽為中國公關第一人，甚至中國最具影響力商界女性，曾獲獎無數，但竟從未外國留學，英文好過海歸。今次周女士與中文大學電子工程系蒙美玲教授對話，大談認知運算，有聲有色。蒙教授係MIT博士，曾獲選IEEE院士，係本港語音和語言處理的專家，研究利用I記Watson分析亞洲區多國病歷數據，亦同咪記中大成立過合作研究室。

上周遇見Symantec南中國老總Simon Tai，今年剛好加入單記十年。而單記前亞太區老總Bernard Kwok，就轉左去VMware推SDDC。Simon話唔少國內企業都受到APT攻擊，有深圳公司發現APT潛伏長達三年，可見防不勝防。今年單記推出唔少產品，包括應付APT嘅服務Cynic，加上全球最大IT保安情報網絡，幾乎不愁生意。