超融合百花齊放

市場開始接受超融合方案，Nutanix又剛與Lenovo建立合作，而Dell又力推XC系列，傳言話HP同思科都即將推出Nutanix方案，有關收購傳聞更加不絕如縷。有傳言話Nutanix叫價達一百億美元。第二位Simplivity亦有唔少收購傳言，Westcon各人努力向分銷商推介，Simplivity大件夾抵食，兩部節點可以起動，功能齊備，亦應大有可為；市場上仲有華為嘅FusionCube加入，今年超融，可謂合百花國內亦有唔少超融合廠商，以Ceph等開源軟件開發唔少土炮；主要採用OpenStack技術。不過以成熟程度，仍然同Nutanix有段距離。但唔少大場，只肯採購Dell、Lenovo、HP等獲認證服務器，加上全球供應鍵同技術， Nutanix用OEM策略，消除唔少障礙，其他廠可能最多只能執二灘。

除咗超融合，市場最熱就係IT保安，火眼收購咗威脅情報嘅iSight，可釐定應付入侵優先次序，系統日常有唔少警報， 難以決定應該處理邊單先。iSight可預防最棘手攻擊，唔少機構可能有興趣訂不過好多機構缺乏人手，傾向於外判保安，亦即係所謂MSS托管式保安服務，將公司嘅日誌交畀SOC分析吓有無入侵跡像；除咗Symantec以外，P仔同埋 CITIC等亦經營SOC。不過呢啲SOC用嘅技術唔同，可能係 ArcSight或者QRadar之類SIEM，亦有用大數據分析。最近有家新加坡公司响香港搞咗SOC，呢家原本叫e-Cop公司係淡馬鍚集團屬下，上星期改名Quann，响設施保護方面非常有名氣，唔少公共設施同賭場都係渠地客仔，亦投資香港開SOC，保護埋客仔數碼資產，聽講開發咗本身獨家技術。新加坡IT保安數一數二，呢家Quann應有捧場客。