手機變公仔箱

上星期，西班牙巴塞隆拿「世界流動通訊展」（Mobile World Congress,

MWC），當然唔少得新手機發佈；最多人提，竟然係諾記復刻版3310舊機。

另一個意外，係Netflix行政總裁Reed Hastings問答環節。Netflix點解現身

MWC？因為手機螢幕係Netflix下個目標。上年，Netflix已支援流動設備預先下

載，慳番流動數據。


Hastings話，Netflix美國滲透超過一半家庭，採用電視睇Netflix已經飽和；下階

段係以智能設備，甚至係手機煲劇。Netflix衝出海外後，已成全球最大OTT，

已怠無疑問。


Netflix同唔少互聯網電視或機頂盒合作，中國海信亦係Netflix合作夥伴，據講用

海信電視睇Netflix，全美已達260萬台，三秒啟動Netflix，全球最快。

一如研究機構Ovum所料，Hastings尋找下個合作對象，就係流動營運商，畀流

動用戶無限制煲劇。目前煲劇過量，消耗太多流動數據，營運商以「公平使用

原則」限制網速。Hastings話，Netflix致力減少耗用數據，以四至五吋手機屏

幕，高畫質串流耗用0.5Mbps數據，未來減至200Kbps（2GB數據上限，串流

約30個鐘節目）。Netflix為更多節目推出HDR影像技術，效果媲美4K。

營運商收入全賴流動上網；唔收費，唔通食西北風咩？Hastings一講，即刻引

起無限聯想。Netflix擁有大量內容，但無營運網絡。內容開發商同網絡營運商

合作，並非無先例，試想myTV SUPER同薄餅，就大概估到。有朝一日，CSL

或數碼通，綑綁Netflix月費，甚至流動網絡作CDN，加插廣告，手機變身流動

電視，齊齊搵銀。


全球流動營運商ARPU均呈現跌勢，手機補貼愈來愈多，收入有無以為繼之虞

。Hastings伸出友誼之手，流動營運商有唔少遐想。Netflix係全球化電視台，

內容以全球觀眾為對象，流動營運商可擴大觀眾人數，營運商又留住客仔，提

高番ARPU，絕對係雙贏。