IoT新聞多籮籮

近日，經常收到IoT廠商新聞，正籌組全球IoT超窄頻網絡嘅法國企業SIGFOX，上月剛同物聯網網路營運商UnaBiz及全球最大獨立電力生產商ENGIE，聯手在新加坡推出全亞洲第一個SIGFOX網絡。然後UnaBiz又聯同SIGFOX建立網絡。換言之，UnaBiz將係SIGFOX在新加坡及台灣兩地嘅SIGFOX獨家營運商。UnaBiz係新公司，今年由新加坡人Henri Bong創立，以前呢位Henri君，亦係SIGFOX亞洲地區商業發展及銷售總監，後來認為有得做，索性自立門戶為SIGFOX建立亞洲市場。

台灣係SIGFOX繼新加坡後第二個幅蓋城市，SIGFOX屬低功耗廣域網LPWAN，基站數目同設備要求低，建網速度快。預計2017年前，可幅蓋台灣二千三百萬人口一半居住地區。SIGFOX台灣投資策略意義比較大，台灣電子設計及生產先進，同大陸有緊密商業關係，SIGFOX須可以建立IoT生態，支援SIGFOX技術標準。

另一種LPWAN則係LoRa。舊年，富士康投資研究LoRa Alliance中嘅Actility，LoRa係SIGFOX最大競爭標準；最近在香港成立ThingPark公司，向大陸銷售各種LoRa網絡服LoRa與SIGFOX最大分別係前者屬於公開標準，SIGFOX屬全球性網絡。任何兼容設備，只要去到有SIGFOX服務國家，都可以上網，每件物件連接費用好低，一張合約可幅蓋全球，而且終端技術開放，任何公司都可參予生產。LoRa亦屬於公開標準，Actility產品ThingPark就兼容LoRa標準；唯一共通點，係兩個LPWAN標準都係源於法國。

中國大陸已經係世界工廠，而智能電器可能係第一波連接上IoT。最近電器大廠美的，就同宣佈Ayla合作，Ayla屬於平台即服務，專注打造全球物聯網雲平台技術，畀製造商快速為電器加入智能分析同升級功能。最近，Ayla剛得C輪融資，再籌得三千九百萬美金。Ayla亦較早前亦獲得富士通及TCL採用，控制分體空調。Ayla創辦人之一張南雄，亦係台灣人，長期開拓中國市場。不過，物件點樣連接上網，往往亦係最麻煩步驟。Ayla主要利用屋企嘅Wi-Fi，已聯同唔少芯片生產商；好似broadcom、Qualcomm、Marvell，電子零件生產商Murata（村田製作所）同埋 USI，建立咗合作關係；協助電器比較容易網絡上網。

另一家做家庭智能IoT係叫小米，幾乎所有電器都有IoT性能；小米嘅智能家庭套裝，除咗LED燈同空氣淨化器，仲有人體感應器、門窗感應器、藍牙無線開關、電飯煲、空氣淨化器；用手機就四圍都可控制家庭電器。不過，小米電器連接上網用戶經驗認真麻麻地，勝在網上市場夠大，希望將來可以改進吓。