2016年9月7日星期三

IT抑或薄餅易賣?


上星期接通知,話Lenovo港澳總經理鍾孝揚Alex Chung離任,舊年Alex曾短暫去咗賣薄餅,不過唔係去做香港寬頻,而係真正嘅薄餅,怡和屬下嘅Pizza Hut,然後又番Lenovo去賣電腦,上星期Lenovo話Alex又再離任,並由Lenovo香港/澳門、台灣及韓國區執行董事張偉豪(Ivan Cheung)暫代。

Lenovo推數據中心產品,開始同Dell、IBM、HP直接競爭,上述三家公司技術服務部門強大,推銷數據中心產品亦得心應手。Lenovo擴充專業服務團隊,可能亦要從上述幾家公司挖角。Lenovo從PC及流動設備,再加上數據中心業務,變咗一家綜合技術嘅IT公司,上次見Alex就係在SAP論壇,賣HANA伺服器,不過Alex似乎一向較擅長消費市場。

Ivan Cheung 暫代地區總經理唔係第一次,今年初Lenovo台灣曾純浩離任,Ivan兼咗台灣老總一段時間,再請番陳泰麟。今次Alex離任,Ivan可能又兼幾月。Alex出任Lenovo之前,以前HP負責IPG老頂Alice Ong做過Lenovo一段短時間,PC同流動市場急促轉型,Lenovo 再大舉進軍數據中心業務,同時兼顧幾項業務,日日新鮮,實在唔易。究竟IT抑或薄餅易賣?不過賣薄餅至少有啖好食,亦唔會賣吓薄餅,突然要又去搞埋Fine dining。

HP則分拆成兩家公司,各自專心經營不同業務;同時座落於太古城一期。但唔知點解,愈來愈多公司去咗太古城一期,屈指一數就有四家,其中三家性質差唔多,Juniper亦請咗新Sarah Cheng,係原來HP嘅孖屐亭,以前做開EDS,轉完工仍然留在一期,經常見到舊老板 Cally Chan。前Juniper老頂Larry亦有同樣問題,轉去Brocade後亦經常摸錯門口。



沒有留言:

發佈留言