歐洲搗破網絡犯罪

上星期歐洲刑警組織（Europol）聯同Shadowserver及Symantec，以四年時間合搗破網絡犯罪集團Avalanche，除咗歐洲刑警組織，美國FBI，以及德國檢察部門，為歷來破獲最大網絡犯罪集團，今次係全球三十個執法部門，包括英國專門對付嚴重罪案嘅「國家打擊犯罪調查局」合作，全球二百多Botnet服務器停工，網絡攻擊靜咗唔少。

Avalanche受害者遍及180個國家，控制數以百萬計惡意程式，警方搜查5個國家37個地點，檢獲39部服務器，涉及多宗惡意程式同埋詐騙；單德國就造成六百萬歐羅損失，歐洲刑警組織話，全球損失可能數以億歐羅計，因為基本上好難統計，但只有五人被捕。舊年美國有多宗發對醫療機構攻擊，唔少用勒索病毒，最高峰時期，全球釣魚攻擊有近三分二係Avalanche發動，今次遭調查域名多達80多萬個，可見犯案規模。

Symantec同多國刑警組織合作，Shadowserver則係專門對付網絡犯罪組織基金會，Symantec則一向同國際刑警合作，除向大公司提供服務托管式保安，仲有提供保安情報嘅DeepSight Intelligence Services，此外就係遇到攻擊時，馬上作出反應嘅Incident Response Services，成員有刑警同軍事人員出身，查案經驗豐富，同火眼屬下嘅Mandiant差唔多，同執法機構合作好正常。

網絡犯罪利潤驚人，打劫唔駛刀槍，好快死灰復燃。