CES新發明：愛狗之人有福了

美國賭城拉斯維加斯消費電子展（CES）又開鑼，從昨日開始一直去到星期日，今年焦點係穿戴式設備同埋VR，據報今年參觀人數有十七萬人，唔少平板電腦、超輕薄電腦Ultrabook、智能汽車、電視、音響等，會場分開拉斯維加斯會覽中心（LVCC）及金沙，今次專門供初創企業嘅Eureka Park位於金沙，又有多個不同地區初創專區；包括法國（La French Tech、馬賽省、Sud de France Development）、新西蘭、荷蘭、烏克蘭、捷克、以色列，香港則由科技園代表。

每年，CES都有創新大獎，雖然未必會流行，但一定好有創意。今年獲最佳創新無障礙科技獎，係智能手機App叫Aipoly，可幫助盲人或弱視人士，甚至色盲人士辨識物件。用智能手機向準物件，手機自動讀出物件係乜，Aipoly對視力正常人都有用，Aipoly對住純種狗，甚至講得出係乜品種！家中電器奇形怪狀，Aipoly一樣認得出，亦可教Aipoly辨識不同新物件。

家庭電器大獎Sleep Number嘅360 smart bed獲得；Sleep Number智能床祳一向調整硬度，適應唔同瞓覺習慣，感應監測心跳率、呼吸頻率、體溫等數據。

新出360 smart bed通過SleepIQ數據，加埋機器學習，自動感應調校床祳，提供最佳睡眠效果。床祳智能化，又大數據分析，真係犀利。

不過云云電子產品，最得意係LINK AKC智能狗頸圈穿戴裝置，除咗追蹤愛太位置，離開特定範圍即係發出警告，又可紀錄活躍程度，建議運動量，四周溫度係咪令渠舒服，遠距離發出音響或發光，協助尋回狗隻，最有用係自動發聲，協助訓練犬隻行為，可惜現時只支援AT&T網絡，相信好快本地服務營運商去傾代理。