邊度係中天地？

金融海嘯，除咗iBank唔掂，IT人都好頭痕。問J記老友記啲Sales點，佢話好耐唔見人，佢解釋因為經濟旺時，大家留响公司上網炒股，而家經濟唔好，大家都唔知去咗邊。聽呢份工真係恨死隔離。

近年銀行大力拓展財富業務，財富不翼而飛，未來幾年做乜，真係難講。不過經濟唔好，大家可能會留响屋企睇多啲電視，今個星期就有亞洲有線與衛星電視廣播協會會議CASBAA，選址唔係灣仔會議，而係去咗西九龍「中天地」。

邊到叫「中天地」？英文叫POP TV ARENA，以前叫維港巨幕，做過室外電影院，又搞過張學友演唱會，不過邀請函依然慌死大家蕩失路，貼埋地圖，又列明行走路線，仲順便可行吓附近嘅圓方。

經濟唔好，消費疲弱，唔同公司有唔同對策，蘋果剛公佈業績就好到出奇，第四季度盈利成十一億四千萬美金，最好嘢係海外銷售佔收入超過四成，而且筆記簿銷情愈來愈勁，Mac機銷售去舊年同期升兩成。好多以為經濟唔好，新Mac機會減價，不過Steve Jobs好有信心，好女唔憂嫁。只要Jobs身體無恙，蘋果股票長揸長有。

蘋果嘅孖屐亭June以前响HP過去，同記者好熟絡，不過而家已經唔駛理PR，上星期MacBook登場，幾乎全港報紙到齊。佢話到咗Apple先知原來呢個位以前都由另一位HP人做過，不過唔係好似佢係IPG，而真係賣PC出身嘅Peggy，但係Peggy後來唔賣機，去咗賣線，而家响CPCNet賣線，但阿媽炒燶外匯，真係賣極都補唔番。