香港初創企業法國發展

法國五月剛過去，發覺香港原來好多法國餐廳；唔少法國客；據華爾街日報報導，本港法國工作人口超過二萬，每年增長約5%，增長速度係所有外國訪客之冠。法國人比較多在中上環及赤柱一帶活動，法國公司愈開愈多。

法國公司亦持續增長。舊年法國舉辦French Tech Ticket比賽，邀請全球新創企業參加，全球有五十位創業者獲選，可獲12,500歐創業資助，並可得法國居留權；其中包括免費使用巴黎孵化器內使用辦公室；比賽其中一項規定係團隊內不能有多於一名法國人。香港有家叫Brand Pit新創企業，從參加香港太古集團Blueprint創業加速器開始，最後入選French Tech Ticket，其中一位拍乸係法國人Anthony Fitoussi，另外兩位則香港同日本人。

兩年前Fitoussi隻身到香港生活，認識Brand-pit兩位創辦人朱子達TT Chu及Mayuko Yamaura，並加入成為歐洲負責人。 Brand-pit贏過本港ICT最佳資訊科技初創企業金獎。TT原來係中文大學信息工程畢業，加入投行，然後再去日本發展，認識從美國回流日本嘅Mayuko，並創辦Brand Pit，回港後又認識Fitoussi，三位不同國籍人士合作。Brand Pit主要係利用智能辨識技術，從互聯網圖片中辨認不同品牌，分析消費行為習慣，掌握顧客行為喜好，幫助制定市場策略，作出針對性部署，百分百Target Marketing。Brand Pit在香港有二十多人，已咗搬去數碼港，法國則在NUMA加速器內有辦公室，TT話法國程式人員亦相當唔錯。

Fitoussi話，在香港無親無故，亦唔識中文或廣東話，知道香港容易適應，隻身來港尋找機會。Fitoussi話在港生活完全無問題，一直只用法語同英語，廣東話則靠朋友翻譯，認為香港係全球最方便城市，唔怪得愈住愈貴。

本星期係RISE大會，唔少初創及VC參加，French Tech Ticket亦加重宣傳，舊年參加國家最多係印度，然後係美國、俄羅斯、巴西、埃及，今年名額更多，側聞多達200位創業者有機會入選，希望更多香港創業者參加，到法國巴黎工作，以便法國創業環境更國際化。