IT保安奇招突出

剛見到中信電訊CPC嘅Daniel Kwong，話下月會同Fortigate公佈新合作關係。Daniel負責保安業務，同保安廠商經常聯絡，最熟保安行情，最近同一家英國保安公司Darktrace合作。

Darktrace保安界非常有名，以人工智能技術偵查入侵，可以令入侵警報更加準確。香港唔少公司受攻擊入侵，IT保安需求愈大，各施各法。美國又有家叫Area 1，專門躲在被駭客控制嘅Zombie殭屍服務器，監視駭客動作，然後向受攻擊企業預先通風報信，側聞相當準確；Area 1由前NSA美國國家安全局成員創立。

剛見到舊年I記，轉到技術服務部GTS一年有多嘅Savio Ng，渠從STG硬件部門，轉至做技術服務。經濟發展放緩，Savio話唔少公司，整合全球不同地區IT，轉用混合雲服務，GTS亦幫到手，業務唔差。I記亦精於以OpenStack建立混合雲，剛為一家做產品代理公司，部署英國嘅代理辦公室，只用六十日時間，完全以混合雲部署。

全球火熱嘅Docker技術會議西雅圖展開，推出Docker Store嘅私人Beta，供已驗證及可信任Docker應用上架，類似係App Store概念，相信可以加快Docker市場成形。今次仲有華為軟件工程師出席演講，張文濤介紹華為開發Docker儲存系統Elara，為大規模集群建立容器存儲。呢位張先生已有兩年開發Docker經驗。Elara係儲存卷插件，可為未來大規模集群作準備。未來華為NAS系統，可能已可以大規模集群Docker部署，相當唔少人有興趣。