2017年5月3日星期三

TensorFlow中文專注出籠

講起AI,較早前Andrew Ng離開百度。另一位前微軟負責AI嘅陸奇,較早則加入百度出任COO,雖非直接主管AI,但肯定同AI有關。

前微軟首席研究員俞棟,又係AI專家,亦加盟騰訊,管理位於美國西雅圖之AI Lab,可見AI炙手可熱。股王騰訊早於矽谷設實驗室,今次西雅圖再開實驗室,專攻AI。微軟幾乎成為全中國Dotcom挖AI人材對象;全球副總裁沈向洋公開抱怨,中國企業西雅圖不斷向微軟挖角,想不到同場馬化騰竟然大方承認,話唔少微軟員工,習慣西雅圖生活,移船就磡,成立西雅圖實驗室。Amazon嘅Alexa大熱,百度在語音辨識又相當先進,騰訊除在無人駕駛急起直追,聽講想搶先推出中國Alexa。

以AI以論,谷歌開發架構TensorFlow國內大熱。TensorFlow國內AI發展一日千里,從2015年開源後,唔少國內工程師為TensorFlow貢獻源碼。最近國內有本中文專著出版,亦係首本介紹TensorFlow嘅中文著作;《TensorFlow實戰:掌握谷歌深度學習框架》兩位作者,都係源碼貢獻者;其中一位叫黃文堅,係香港科技大學本科及研究生畢業,現任PPMoney大數據算法總監;呢本書李開復都叫好,可為深度學習敲門磚。

香港科大人材輩出;除咗大彊汪滔,亦培養唔少國內人材,幾乎直追合肥科大。遙想當日,港督盧押成立香港大學,理念係為中國而立(當然亦有心鞏固英國對華影響力),吸引莘莘學子來港,曾極一時之盛,想不到今日漸行漸遠;科大為則為香港經濟轉型而立,如今潤物無聲,默默為中國儲材。


1 則留言: