GLM─電動車嘅英特爾？

上星期收購特多，Broadcom宣佈併購高通。思科收購Veptela之後，VMware又公佈收購VeloCloud，據報VMware打算將SD-WAN技術加入NSX平台。

VeloCloud可部署在AWS，利用虛擬SD-WAN器材，利用AWS的IaaS運作頻寬要求極大應用。上月在新加坡機場遇見Eric Choi，當時仍講緊上市。Eric以前在Brocade，後者亦已被Broadcom收購。

VeloCloud亦可合併多條寬頻線取代MPLS專線；VMware正與多家公有雲，如AWS、Azure、BlueMix合作，VeloCloud可解決VM一旦轉移到公有雲上，以互聯網傳輸所構成樽頸，估計VeloCloud夾入NSX，成為虛擬設備，向採用公有雲作IaaS，又唔想用專線企業服務。VMware想以公有雲服務繼續增長，所以收購VeloCloud，並非想同思科競爭。

最近李超人再現，分別投資兩家公司；首先係剛上市嘅雷蛇（Razer）；從事電競周邊設備，投資者包括新加坡政府投資公司GIC、中國京基集團、英特爾資本、李顯揚，李超人及淡馬鍚。Razer專做電競周邊設備，又推出Razer Phone，由3集團分銷，又建議新加坡實現無現金社會，非常概念。

超人兩度入股香港上市公司奧立仕，後者染指電動車業務；購入咗京都GLM。GLM原本係京都大學電子材料物性研究室（山田研究室）松重和美教授主導研究計畫，GLM創辦人小間裕康在京都大學加入該研究計畫；2010年終於組成GLM，係以電腦裝機方式生產電動車，係唔再強調垂直整合，而以平行分工。

呢位小間裕康先生，唔係車廠出身，以前做Business Process Outsourcing。GLM超級跑車Tomikara ZZ亦唔係渠設計，係一家京都跑車廠Tomita夢工廠，後來無以為繼結業，GLM收購，從電油改為電力驅動。

GLM主力並非想做Tesla或者電力超級跑車，係建立平台或者生態系統，幫助其他亞洲小型車廠，分擔電動車研發成本；好似PC嘅英特爾或Microsoft一樣，電動車變成一部PC，GLM供應CPU或者軟件；唔少人話電動車，其實只係一部會行走嘅電腦，GLM就用PC或手提電話方式生產電動車，未來山寨電動車愈來愈。

人才荒

最近遇見IT獵頭，談及生意近況；話年中以後招聘甚多，尤其MARCOM位，更加難請。過咗年中，私營機構唔少人都等花紅，搵工嘅人較少，加上遴選愈來愈複雜，試過有高層位置，除咗筆試，之後見咗七八輪。較早前，深圳有家上市互聯網公司，聘請國際MARCOM，遠赴深圳考筆試面談，唔少人聽到已嚇怕，同一Offer有人竟收三次不同獵頭分別邀請。

國際公司銷售總部，多設香港或新加坡，香港鄰近中國，又歸入大中華區，香港MARCOM人才好搶手。近年香港大力開拓創科，唔少公司集資後，先請MARCOM開拓市場，令人才歸邊。近年IT獵頭幾乎全靠LinkedIn，網上甚至有專代人寫作（創作）履歷服務，擁有無限想像力，疑幻疑真；市場上滾石樂隊又愈來愈多，年年轉工大有人在，HR審查嚴格，更難過關。

MARCOM難求，技術人更渴市；尤其網絡保安崗位，空缺更多。雖然話，企業向雲轉移，可減少基建管理人才，雲運算可外判類似Datapipe等托管，但始終涉及唔少內部管理，雲運算可減少人手，可能係美麗誤會；從Google等招聘同擴充速度，雲運算正向企業市場進軍，有關管理人才亦好搶手，新一代創科公司又全部都利用雲運算開展事業，未來擴充後人材更難求。

唔少雲運算已用Linux，甚至遷移Container技術，一來減低運作成本，其次可提高開發靈活性。Github可用Kubernetes Pods嘅影像唔少；據聞Azure上Kubernetes服務需求以倍數增長，結果Microsoft索性改Azure Container Service 為AKS，而K就係指Kubernetes。Google Cloud嘅Cloud Launcher可供Pull嘅Container影像愈來愈多，相信亦係同樣原因。Kubernetes由Google發明公開源碼，結果Azure上發揚光大，真係始料不及。

最近遇見前Intralinks老頂Barry Lo，原來已加入Suse Linux，Micro Focus收購Suse後，又收購HPE旗下軟件，規模唔細，Barry亦負責Container開發推廣。Barry Lo做過紅帽，又做過Oracle Linux，如今擔任Suse Linux地區總監，可謂齊全。

商湯究竟值幾錢？

商湯科技與全球最大手機晶片高通（Qualcomm）展開合作，共同推動內置於終端裝置人工智能發展。高通採用商湯科技機器學習模型及演算法；以及客戶端人工智能異構運算
(heterogeneous computing) ，足以證明商湯科技在人工智慧處於尖端位置。

高通對商湯科技有興趣，全因人工智慧，不單可用於手機電腦視覺，亦可作於自然語言處理；甚至無人自動駕駛，甚至作為金融科技，以手機作為認證工具。一直以嚟，唔少人以為商湯科技在金融科技，應該好有前途。

上年，高通以470 億美元天價，收購歐洲車用電子晶片大廠NXP。雖然受股東反對，要求高通
加碼，又遇上歐盟審查，成事與否，暫時仲未知。而英特爾以153億美金，買下以色列電腦視
覺初創Mobileye。兩家晶片大廠同時進軍無人駕駛，可見無人駕駛技術已進入直路。

七月份，商湯科技已暗示，與某大型OEM廠商深化無人駕駛項目合作，如今終於揭盅， 原來
呢家OEM就係高通！NXP係生產車用「先進駕駛輔助系統」(Advanced Driver Assistance
Systems，ADAS)先驅，商湯科技就從多方面；蒐集車內視頻、語音、圖像、GPS、雷達、感測器數據，加上先進視覺運算，融合一齊，再用深度學習模型計算，嵌入ADAS系統，改善行車安全，甚至作自動駕駛。

商湯科技肯定成為晶片廠覬覦下一個收購目標，究竟商湯科技值幾多錢？如果以Mobileye一半計，都超過70億美元！如果有下輪融資，好快有分曉。

唔少人以為，商湯科技人臉識別最大應用係保安，其實商湯科技亦開發智慧醫療，即係話用視覺技術，加快診斷過程。無人駕駛及智慧醫療等應用場景，已足令商湯變最大獨角獸。

Cally Chan離開咗HPE之後，聽講咪記做得唔錯，曾傳聞Cally會入政府，結果都留在IT界。聽聞前EMC高層Gabriel接任HPE；梁官做儲存多年，近年HPE收購Simplivity及Nimble，都炙手可熱，Gabriel可大顯身手。

獨角獸逐隻捉

雖然話本港以人均財富計，高過歐洲國家，教育程度高，但創新落後。獨角獸
（Unicorn，即未上市但估值達十億美元創科）好少；風投基金（VC）亦遠比
鄰近地區為少。上月，政府推出20億港元基金，鼓勵風投基金來港投資。香港
經濟總值超過盧森堡及捷克兩國總和；但上述兩地，老早有獨角獸，令人覺香
港滯後。

今年七月，科學園出現本港第一隻官方獨角獸商湯科技，以人工智能及人臉識
別技術，獲國內多家公司採用。商湯科技創下以人工智能，單輪融資最高紀錄，
估值十五億美元。商湯係中文大學多媒體實驗室創辨人湯曉鷗教授合作創辦；
實驗室亦係本港最早在電腦視覺應用深度學習嘅研究團隊，獲NVIDIA指定為
全港唯一統一計算設備架構科研中心，送贈GPU計算機並直接支援；與美國加
大柏克萊、MIT、史丹福、牛津齊名。

科學園內另一隻獨角獸，亦同中大有關。係中大醫學院副院長盧煜明教授團隊
創辦嘅Xcelom及Cirina，分別研究以血液，作無創產前檢測及檢測早期癌病。
較早前Cirina與美國Grail合併，已被公認為獨角獸。

香港兩個創科基地，科學園外就係數碼港。科學園老頂Albert Wong曾在美國老
牌科技公司GE，曾隨美國企業界傳奇人物Jack Welch工作，目前在中大MBA
兼任Adjunct Professor，亦係教M&A。數碼港行政總裁Herman Lam則曾任香
港微軟老頂，熟悉本地環境人脈，各有千秋。

數碼港GoGoVan與國內58速運合併，有望成獨角獸，估值仍受爭議。「港產」
電子錢包營運商TNG剛在英國，同Tranglo合作推出電子錢包，最近完成最新一
輪融資，估值5億美元，仲有一半路。

另一隻香港獨角獸，應該係網上貸款WeLab，旗下WeLend廣告睇唔少，專攻
年青人貸款，以新數據分析計算貸款風險，相當創新。

講起獨角獸，前Hoffman高層Jenny Chan加入WeWork，呢家共享工作間創科
，估值達到200億美元，年收入10億美金，香港設兩共享空間。上期提及，IT
界猛人Hansen Chang加入Rubrik，亦係獨角獸，估值13億美元。今日Rubrik參
加Nutanix嘅NEXT大會，有機會可瞭解下。Hansen曾經湊大多家公司，經驗豐
富。Nutanix前高層Howard Ting加入成Zscaler嘅CMO，亦係一家獨角獸，估值
一億美記。

大灣區與電動車

無快速充電，電動車幾乎可以話無乜前途，至少長途汽車就好難考慮。

研究快速充電大有人在；其中包括香港兩名中大逸夫書院畢業生陳振雄及曾偉華，共同創辦嘅EV Power。EV Power係全港最大充電服務商，2014年已進入內地，集資一億建立充電站，
目前全國有超過1500個充電站，6000個充電樁，目標係成為全球最大充電運營商。EV Power
係科學園培育計畫成員，科學院內亦有快速充電裝置，仲免費泊車，以50kWh模式；半個鐘
內可為 BMW i3及Nissan i3 ，由0 % 充滿八成電。

大灣區內新能源產業亦相當厲害，比亞迪在香港上市，比較為人熟悉，較早前終於放棄磷酸鐵鋰電池，改投三元鋰電池陣營，因為用好多鈷，三元鋰電池概念股同埋鈷業大漲，炒到上天花板。另一種新電池技術，係華為旗下Watt 實驗室，成功掌握新一代石墨烯電池技術，可快速充電，雖然暫時只用於手機。美國亦即將有石墨烯汽車面世，如果可行，華為就唔止搞IT了！

近月，搞鈦酸鋰電池嘅珠海銀隆新能源，廣受注目。雖然比亞迪王傳福唔多睇好；但鈦酸鋰電池大大縮短充電時間，對循環壽命影響較小，熱穩定性強，可極低溫操作。鈦酸鋰電池車可十分鐘內充滿電，格力董明珠大舉投資。有一話，鈦酸鋰電池叉一次電，可續航200公里以上，就改變電動汽車成本方程式，加速汽車產業轉型。

大灣區包括深圳、珠海、中山、惠州、東莞、肇慶、佛山、廣州九個市，以及香港同澳門。廣洲和深圳兩個市相加，季度生產納值超過九千億人民幣，佔去珠江三角洲上述九個城市約58%產值。又係汽車業廣州三大產業支柱之一，每年產量以二成幾增速。

目前，掌握電動車三大電池技術廠商，全部位於大灣區；所以廣深珠、東莞、惠州為新能源汽車生產基地，香港再工業化前景，唔係得個講字。

今個月係創新科技月2017，除了創新科技署多項活動，團結基金舉辦InnoTech Expo，今年推
出流動展覽車「創科號」，一連兩星期，載同機械人大使，訪問港九新界各區，巡迴推廣今日應該去到上水。

創新科技月」重點活動係「創新科技嘉年華2017」；10月21日(星期六)至29日(星期日)科學園
舉行。今年主題係「生活智慧．盡在創新」，市民可親身體驗本地大學、研發中心、科技機構創意及科研成果。香港教育搞STEM，創新科技月可謂好起點，每年到大埔參觀創新科技嘉年華學生唔少，氣氛感染學生，追求創科為事業。

不轉的風車

上星期香港科學園搞MakeIT Mashup聚會，人山人海；當然唔少得園內畢業生自
我介紹，除咗介紹納米技術養魚同機器人，亦遇到唔少創科名人。

其中一位係BWT街坊泥鯭CEO兼創辨人Albert Lui，已經被媒體訪問唔少次。街
坊泥鯭以共乘汽車App，解決交通問題；聽落唔似係大生意，但法國BlaBlaCar共
乘汽車，估值已超過15億美元，係法國最成功創科之一。至今至唔少乘客用
BlaBlaCar租車共用，甚至用來送貨。最近，BlaBlaCar俄國大受歡迎。

但係香港法例未配合共享經濟，共乘汽車只能以順風車方式運作。BWT街坊泥
鯭呢類創科，只能以另類方式生存，如集合乘客做共乘的士，或者穿梭巴士，
靠廣告收入頂住先，甚至經營商務車預約。流動科技令資源用得其所，減少浪
費，共乘汽車不單環保，亦可提高路面使用率。雖然BWT街坊泥鯭經營不易，
但Albert仍然樂觀，BWT街坊泥鯭收集得來數據，供園區研發之用，亦幫到大家。

Albert開發BWT街坊泥鯭App，但其實非讀科技出身，係理工讀孖屐亭，無心插
柳加入開發者行列。但科學園比較多Maker，例如XDynamics就同美心合作，以
自家設計飛行平台，空運冰皮月餅，保證新鮮，MakeIT Mashup聚會時仲示範飛
行，降落點非常準確。

唔少創科仍處於掙扎，經營不易，園區除咗提供增值服務，法律、申請專利、
研究、集資方面幫手，亦有暖心行動。

科技園行政總裁Albert Wong介紹，講到園區幫創科嘅新措施；包括延長冷氣開
放、又派杯麵俾OT租戶。最有意思果段，係講起科學園大樓頂部，有一部唔識
轉嘅風車，原來起初設計係部發電裝置，結果失敗告終。「我建議唔好拆，保
留住呢部風車，畀大家經過時望到，記住失敗唔重要，重要係嘗試。唔嘗試，
永遠無成功一日。」

突然省起，Albert經常提及西班牙經典文學作品「唐吉柯德」。意想不到科學園
內，真係有部風車；果位滿腔理想嘅現代武士，就在眼前。

真係有霧運算？

明天，科學園舉行MakeIT Mashup，接任三個月嘅市務總監JoJo Cheung發英雄帖，
原本只係園區聚會，擴大至媒體參予，改名為MakeIT Mashup。據JoJo解釋，科學
園創新活動，不限於園區，而係全港集思廣益。

Mashup係糅合之意，IT行業則係指不同Web應用，以API互相整合，發展出新功能
。記得上次入科學園，到TechONE服務中心，參加園區畢業生組成，科學園培育網
絡計畫TIN (Technology Incubation Network)主辦BizLink活動。TIN主席係Kenneth
Chau，亦係Kickstarter組織香港及新加坡管理人。

會上遇見空氣檢測解決方案Woofaa創辦人Marc Chow，Woofaa開發空氣檢測機，
精確量度空氣有害物質，獲地產商及空調公司等採用；而園區內有家專做
Universal IoT Gateway嘅Zetakey，由程式高手Jack Wong創辦，馬上可將不同感應
器數據格式，變成JSON格式，以Java script根據資料變成報表，甚至執行指令。

Zetakey加上Woofaa，就可自動化分析空氣質素，根據讀數，自動啟動其他功能
。Jack Wong其實係IoT之中，執行「霧運算」（Fog Computing）；「霧」是更貼近地面的
雲，處理資料應用運行，分散網絡某個地點，以分佈方式執行工作。好多人聽過
雲運算，園內有唔少「霧運算」先行者，已Mashup成不同創新方案。

科學園另一家「霧運算」，叫做「酥梨」（Pear），剛剛攞獎；以WEBRTC協定進行
P2P加速，可為OTT打開一片藍海。WEBRTC標準最初由Google推動，以瀏覽器做實
時通訊，包括VC等等，如今大部分瀏覽器都支援WEBRTC。「酥梨」（Pear）將霧運算
概念，應用在共享加速網絡，潛力鉅大，騰訊亦已經採用。

科學園第一家獨角獸Sensetime（商湯），更成為國際新聞。商湯以AI應用在人面識
別技術，估值已超過一百億人民幣。剛接JOS新市場總監Cannie Tsang發出問卷
，研究本港AI應用；問及亞洲邊間公司人工智能（AI）最有前景？大公司就唔知
嘞，唔少新創用AI開發，遍地開花，日後AI商業應用，真係可能要靠初創公司想像力。

營運商押注SD-WAN

新加坡樟宜機場候機室內，遇見VeloCloud系統工程總監Eric Choi；大家見面，
講起思科收購Viptela，SD-WAN今年大熱，Eric曾任職豬扒同埋Brocade，Viptela
其中一位創辦人Amir Khan亦係豬扒舊人，所以渠亦好熟。

SD-WAN，其中由於可取代MPLS，另一原因，係唔少大企業，採用咗大量公
有雲，甚至Office 365，靠Internet先可以存取數據，結果MPLS流量急降，加
上MPLS管理複雜，終於放棄Intranet，索性全程以互聯網，取代企業網絡。

SD-WAN成為唔少Cloud First為主企業採用；類似西門子同GE，相繼以SD-
WAN作主幹；SD-WAN市場規模，從2015年兩億兩千萬美金，今年達十九億美
金；預計SD-WAN以七成年率複式增長。

SD-WAN利用Internet，提供MPLS各類性能，起初只係零售採用，至今跨國企
業，亦相繼採用；類似Riverbed、FortiNet、Silverpeak，亦加入類似技術；但技
術上，仍不及Viptela成熟，思科索性全面收購，收歸旗下。

美國電信電話AT&T，亦夥拍VeloCloud開發SD-WAN；AT&T全球擁有大量
MPLS，較早前，AT&T行政總裁Randall Stephenson業績公佈中，同時宣佈積
極開發SD-WAN。上年六月，AT&T已公佈採用VeloCloud技術，可以MPLS提供
SD-WAN，或完全用Internet取代專線。AT&T押注VeloCloud，可見SD-WAN潛
力唔少。

另一家上得好快嘅SD-WAN，係Versa Networks，上星期就同中國電訊，推出
SD-WAN服務組合。之前，中國電訊亦同已同廣域加速SilverPeak有類似合作，
市場上方案唔少，拍乸多多益善。另一家積極推SD-WAN係Verizon，除夥拍
Versa Networks，亦同多家SD-WAN合作，實行大包圍。

VeloCloud亦推出Ready Set Go計畫，幫助服務營運商利用SD-WAN轉型，全
球立即唔少T1及T2加入；包括AT&T、Sprint、IBM、MetTel、Vonage、
Windstream、TPx Communications等等；可見SD-WAN潮流勢不可擋。

千里之行

今期刊出文章介紹貴州「貨車幫」，值得細讀。中國政府致力開發貴州，作為
大數據中心，原因除咗扶貧，貴州有電力資源，加上傳統電力負荷少，中國唯
有「西電東送、北電南送」。但係輸電損耗大；除非超導體有突破，好難解決
。

數據中心剛好耗用大量電力，又要冷卻，雲貴地區溫度較低，適合做數據中心
，光纖傳送數據，成本又比輸電低好多。貴州數據中心，電費只係南部地區約
三分之一，有天時地利優勢。

三年前，Brocade技術總監鄭剛健Ken Cheng，訪問完貴州到港，肯定貴州一定成
為全國數據中心。短短幾年，貴州數據中心林立，舊年蘋果公佈建貴州iCloud數
據中心。貴州平塘縣克度鎮山區，亦建立全球最大天文望遠鏡「FAST」，接收
137億光年以外電磁訊號。

文中提及嘅中國貨車Uber──「貨車幫」，投資者有股王騰訊、百度、山莊資
本等，估值已過十億美記；會員達450萬部車；除咗便民，減少運輸上損耗，亦
可掌握中國物流數據，有助物資快速配送，用於救災，甚至國防。

中國物聯網，發展一日千里，香港旁邊嘅深圳，更係全球智慧城市代表。今年
，深圳開設城市營運管理中心，匯聚多項民間數據。七月份再接入政府數據同
社會數據，向企業、政府、開發人士提供服務。呢個城市營運管理中心，可以
話係深圳市嘅大腦中樞，統籌智慧城市運作。智慧城市發展，主要以大數據分
析，政府管理可更透明化，企業甚至市民，又可用政府及商營數據，發展唔少
便民嘅應用。

深圳行得較快，皆因歷屆市長都多係工程師；上屆市長許勤，已調任去搞河北
雄安新區；即將出任下屆市長嘅陳如桂，亦係工程師；現市委書記王偉中，曾
任科技部副部長。多年來，深圳從上而下，耕耘多個項目。較早前有香港科技
專家竟然解釋，香港智慧城市行得較慢，係因香港基建設施發展成熟，難加設
智能設備；聽君一席話，真係呆一呆。

深圳有大腦，香港嘅大腦响邊？答案可能係香港科學園，今年初成立Data
Studio，聚集115套數據，有258家開發商利用數據開發應用。千里之行，始於足
下，Data Studio可望帶動香港大數據應用，鼓勵多啲機構公開數據。

科技園市場總監JoJo Cheung話，9月28日科技會聚會，首次邀約傳媒參加。JoJo
問，傳媒究竟想聽乜？答案當然係科技園，點可以帶領香港，走出困局。

雲保安當紅

本星期Nutanix公佈業績，過去半年股價表現反覆，目前約處20美金水平，市值維持
32億美元上下。Nutanix業績符合預期，不過市場對超融合熱情褪減，加上競爭劇烈，
股價表現一般。

前Nutanix港澳地區經理Thomas Hung離開，加入阿里雲，主力金融市場，據講做得
唔錯。中國金融機構比較傾向利用中國雲服務，騰訊雲集中服務網遊發展商，阿里雲
則集中開發創新企業及金融等市場。

Nutanix嘅首席市務官Howard Ting則加入雲運算保安公司Zscaler；Howard在本港IT
界相當有名，曾出任多家著名IT公司CMO。Nutanix之前，Howard亦曾經做過Palo
Alto Networks，計埋Zscaler，共為三家獨角獸籌備上市。

Howard加入後，估計Zscaler市務工作肯定有大作為；主要企業走向Cloud
First，Zscaler贏得唔少合約。剛過去在佛羅里達州舉行SKO，竟然有大客仔西門子親
自上台，又同多家SD WAN公司合作，據聞微軟亦計畫加強同Zscaler合作。上年，曾
在GE擔任CTO嘅Larry Biagini亦加入Zscaler，企業市場地位不言而喻。據消息
，Zscaler估值已超過二十億美金。但從近期增長，可能已遠超上述估計。

Nutanix市場增長，Veeam亞太區工程師Sum Wu話，Veeam終於支援Nutanix，即係
話用戶可以利用Nutanix嘅Snapshot進行備份。Lenovo及Dell兩家廠商都大力推
Nutanix方案，支援Veeam可以幫助Nutanix擴展企業市場。

下月Veeam將在尖沙咀美麗華酒店舉行VeeamOn，據報已有近四百人報名。明年初
Veeam將推出第10版本，亦將會同NTT數據中心緊密合作，而會上Nutanix嘅Patrick
Chan亦上台介紹，幾有睇頭。

香港技術人才荒

一般而言，八月唔少行政人員外出；好多公司都係銷售0SKO，。唔少公司選擇在賭城開會；
外地讀書細路紛紛開學，香港突然好靜。

上期講起Hansen Chang加入Rubrik；集中數據備份，單一方案解決備份問題。Rubrik創辦人
包括Bipul Sinha，以往係Lightspeed創投基金合夥人，負責注資及管理Nutanix。Nutanix興起
，主要亦同虛擬化有密切關係。

Rubrik在VMware備份市場，亦同樣採用vStorage API。VMware在備份、DR、虛擬網絡有唔
少整合，同虛擬市場地位有關。Rubrik亦支援Microsoft Hyper-V及Nutanix嘅Nutanix AHV（從
KVM演變而來）；但最大市場仍然係VMware。

Hansen以往一直做網絡保安為主，搵虛擬化或儲存高手唔容易，VMware技術最高資格叫
VCDX（VMware Certified Design Expert），全球只有257人考獲資格。亞太區VCDX試場在
新加坡，亞太區VCDX少得可憐，唔少都係從VMware出來。亞太區最多VCDX聚集地係新加
坡，其中數位正在當地Nutanix工作。

筆者較早前亦認識一位VCDX，Simplivity服務嘅張網（Gang Zhang），來港為Westcon
Solutions介紹，亦駐守新加坡。呢位張先生亦係前VMware，取得VCDX後工作無憂，Nutanix
亦向渠招手，後來加入Simplivity，相信已成為HPE一份子。
講起HPE，自從Cally Chan過檔，估領袖遊戲一直唔停，一個講法係以前EMC老頂Gabriel，
因為對儲存及關鍵客戶管理同樣在行。HPE收購咗Nimble後，加埋Simplivity，可以話陣容鼎
盛。

至於香港，好似一位VCDX都無。點解本港缺乏VCDX，可能原因好多；包括成本太高，或者
企業唔願意投資員工技術培訓，據康乃爾大學研究、INSEAD、世界知識產權組織調查，香港
創新方面排名一直落後，2016年新加坡排名6位，香港則從11下跌至14。雖然話有大學校長話；排名並唔重要，但作為參考數據，情況仍然令人關注。

高層走馬燈

剛收到消息，原F5 Networks老總Juni Yan加入咗BT擔任亞太、中東及非州區(AMEA)保安副
總裁。Juni Yan任職F5 Networks只有兩年，銷售管理相當在行；相對於上任老總Linda
Hui，，任職F5達17年先至離開，相對短好多。

過去幾年，F5總部出現大變動，原行政總裁John McAdam退休之後，2015年接任嘅Manny
Rivelo上任不足五個月，就因「個人操守」問題辭職，McAdam復出任CEO，至今年先招聘原
Ciena營運總監Francois Locoh-Donou任CEO；董事會指行政總裁個人操守有問題相當罕見，
後來Rivelo加入AppviewX擔任行政總裁，據聞正搞集資。講番F5，上兩個季度營業額唔算理
想，股票一度急跌。F5新老總解釋，業務前景受客戶轉用雲運算，客戶延遲落單影響，唔少設備製造商，亦面對同樣挑戰。

上星期聽聞I記高層JoJo Cheung亦離職，加入香港科技園任CMO；JoJo服務I記達廿年，工作
拚搏見稱，HKSTP行政總裁Albert Wong亦係舊年八月履新，可以話全新班底，HKSTP有機會
管理落馬洲河套「港深創新及科技園」，發展潛力好大。

另一位前IT高層Hansen Chang，剛加入雲備份公司Rubrik。Hansen亦曾任職I記、又做過
Netscreen 、Fortinet、Infoblox高層，最近加入Rubrik負責亞太區及日本市場，長駐東京
。Hansen無寶不落，加入公司唔少後來成為明星股，有一段時間在夏威夷退休，後來復出。
聽聞話，太座喜歡東京，故加入Rubrik駐守日本。

另一位高層Francis Yip，離開美國電訊商Verizon之後，原來去搞人工智能，加入一家叫
VaranIDEA開發人工智能應用，產品叫KALiiN，幫助有效率組織生活。

上期提及Symantec購入FireGlass，股東竟包括Singtel Innov8，即係新加坡電訊風險投資基
金。FireGlass總集資額約二千二百萬美金，市場估計Symantec以二億五千萬美元購入
FireGlass，股東回報唔錯。但據Singtel保安專家解釋，Symantec收購之後，Singtel亦難以再
同FireGlass合作，賺到錢無太大欣喜。據講FireGlass瀏覽器隔離技術，有助減少被病毒入侵
，效率高達七成，睇泥呢單刁幾有眼光。

體育人工智能

上期提及JOS與英國人工智慧Rainbird合作開發亞太區市場，剛離開百度嘅人
工智能權威Andrew Ng有句口頭禪，話「人工智能係新一代電能」（AI is the
new electricity），應用到不同領域，好似電力咁，遲早革新不同行業。

老牌市場研究公司Nielsen，除咗研究大台收視率，亦有唔少其他生意，最近收
購位於以色列初創公司vBrand，後者開發機器學習平台，可評估品牌體育節目
曝光度和影響力，以衡量贊助規模。唔少品牌靠贊助運動建立品牌形像，加上
近年運算服裝勁賣，全球用在體育活動贊助經費； 2010年到今年，已經翻咗一
翻，從350億上升到700億美金，升勢仍然持續，運動贊助係大生意，研究點贊
助，當然亦係大買賣。

舊年Nielsen亦收購另一家計算體育比賽品牌曝光率嘅Repucom，今次又收購
vBrand，證明體育贊助行業大有可為。唔怪得，早前巴西翼鋒尼馬（Neymar
Jr），從巴塞隆拿轉會聖日耳門，轉會費高達2.22億歐羅。

上星期，Lenovo數據中心集團搞發佈會，當然見到唔少I記舊人。市務通訊亦轉
咗從HDS過檔Cecilia Fok，渠以前同事Metis Chung亦加盟孖屐亭。較早前遇
見咪記前孖屐亭Bridget Yau，亦在Lenovo負責區域工作，可謂人材濟濟。不過
PC市場疲弱，數據中心及流動設備競爭好大，要成為增長引擎唔易，Lenovo股
價受壓，反映市場對業務轉型有擔憂，但虛擬化之後，對x86伺服器持續有強
勁需求，加上Lenovo成本控制幾好，亦唔駛太悲觀。

AI系統登陸香港

剛接到JOS傳來消息，與Rainbird公司合作，為亞洲市場提供人工智能方案。
上網查吓，原來有一家同名公司，係做噴灌洒水系統，1933年成立，係美國百
年品牌。

但此Rainbird不同於彼，呢家公司位於英國，網址係http://rainbird.ai/
Rainbird專做人工智能，產品支援Software-as- a-Service (SaaS)模式，亦可安裝
在企業數據中心內部。

但係新聞稿內容發現原來前I記大中華集團嘅孖屐亭Cannie Tsang，過咗檔去
JOS做Head of Group Marketing，似乎還兼任做External Communications。
JOS中文叫怡和科技，係怡和集團屬下JTH業務部門；另一個業務部門係做分
銷嘅Innovix。JOS搞系統集成、技術解决方案、技術諮詢，主要對手包括大地
瓜、P仔、Macroview等等。

JOS集團常務董事麥郎特就話，JOS協助將Rainbird人工智能技術，應用於汽車
行業，進展理想。據講呢個方案可提供最有效方法，解決汽車服務挑戰，亦可
為車輛診斷和維修服務定下新基準。怡和屬下有仁孚行，代理平治及現代汽車，
唔知有無乜關係？

講番Rainbird，較早前萬事達卡（MasterCard）同Rainbird合作，英國萬事達
卡員工試用Rainbird詢問客人要求，然後詢問AI下一步行動。Rainbird利用萬事
達卡內最資深員工，負責訓練AI系統，結合業務資料，幫助員工決策。Rainbird亦
剛參加香港AI高峰會，帶同SoftBank嘅Pepper機器人為參觀者推薦雞尾酒，甚為
風趣。

新獨角獸

中信國際電訊CPC四大業務之中，TrustCSI信息安全管理方案屬於托管式保安
，可以話係本地最早托管式保安服務之一，同唔少保安廠商建立合作關係；包
括Fortinet及Palo Alto Networks等。


最近，CPC終於同英國DarkTrace簽訂戰略合作；DarkTrace以智能人工技術分
析，部署簡單，只要在交換機的SPAN埠或者用TAP器材，讀取通過網絡上流
過通訊，DarkTrace通過Bayesian機率方式計算出入侵可能性，部署不影響到
網絡正常表現，亦可在任何網絡環境部署，包括傳統網絡、雲網絡、虛擬網絡
，甚至用於IOT，以機器學習分析異常，聽聞香港唔少公司做完POC相當滿意
。


DarkTrace同CPC傾咗接近一年，終於達成合作。DarkTrace嘅技術總監
Dave Palmer曾經在英國情報機關MI5工作，而主要投資者Mike Lynch則曾經以
110億美金出售Autonomy畀HP，結果雙方搞到對簿公堂。收購Autonomy可以
話係HP最失敗之作，最後要大幅減值並出售Autonomy資產。


不過，DarkTrace可話係近期增長最快IT保安公司，上年收入增長超過140%，
又再籌得7500萬美金D輪融資，目前估值已上刦到8.25億美元，接近作為獨角
獸上市又近一步。


據講，近期本港證券公司為應付金管局要求，對IT保安服務要求殷切，每次有
入侵同漏洞出現，IT保安有排忙，唔少公司對DarkTrace好有興趣。


近期亦有科技公司瘦身，大地瓜亦裁減人手；側聞今星期業績唔理想IT公司亦
快有宣佈。科技演化太快，唔少科技公司要改組，好似咪記早前裁員，但最近
公佈業績一樣好靚。

經濟轉型

剛接Gartner報告，據初步統計結果顯示，2017年第二季，全球個人電腦付運
量6,110萬台，較去年同期下跌4.3%，處於5年低谷。今年第二季度付運量更係
自2007年以來最低。


季度內，HP又取代聯想，重奪全球PC市場第一位。據Gartner數據，聯想及
Apple付運量都有下跌，而HP及DELL都有增長。


不過即使重奪寶座，全球PC仍疲不能興，已係既成事實。HP積極開發其他不同
格式PC，希望通常高增值產品，抵銷付運量下跌。


自從2008年金融危機以後，全球經濟陷入資產膨脹，實體經濟疲憊；加上經濟
轉型，唔少行業飽受困擾。


即使全球向數碼化轉型，但係PC銷情節節下跌，除咗經濟因素，亦係終端市場
被取代。2016年Chromebook銷量增長達38%，不過基數仍然好細，不足以威脅
PC，唔少PC功能可能逐漸被平板或者智能電話取代。


PC市場疲弱，對於英特爾而言當然唔係好事。雖然話X86架構在虛擬市場取代
唔少不同運算功能，AI大潮流下，X86架構亦受NVIDIA等威脅，NVIDIA在GPU
加速運算市場優勢擴大，尤其支援各種深度學習架構領先，NVIDIA股價一年間
，已升超過三倍，市值朝一千億美元目標進發，英特爾市值只係一千六百億。
從市值此消彼長，可見市場已確認，AI將改變一切。


AI飛入尋常百姓家距離有幾遠？近期網上陸續出現唔少在Raspberry pi上實作
Tensorflow分享，除咗用Raspberry pi建立自動駕駛汽車，鏡頭可以辨認自訂街
道或路牌改變行車方向，亦可以「訓練」Raspberry pi辨認四周事物，包括街上
經過車輛；最有創意係安裝汽車上防止抄牌，鏡頭認出有無交通督導員車輛經
過，馬上用Twilio發出訊息，如果呢個程式可引入香港，就相當唔錯。

公有雲齊集香港

上周Microsoft終於宣佈Cally Chan出任總經理，側聞Cally會在八月二日正式履
新。而Horace Chow會升任大中華區COO。邊位擔任HPE老頂？暫時未有消息
。


傳聞話Microsoft同I記一樣，業務大幅轉型，重組全球銷售隊伍，集中銷售雲運
算。Cally上任，可能就要做重組。


另一家雲運算致力重整旗鼓，就係Google Cloud。2015年底，Google Cloud委
任Diane Greene為高級副總裁。Greene係VMware創辦人，曾1998至2008年
間任VMware行政總裁。近期，Google Cloud積極發展市場，招聘本港工程師及
銷售，側聞亦計畫建立本港數據中心，加上AWS較早前公布本港AZ，亦即係話
全球所有公有雲，都會在香港興建數據中心。


另一家公有雲中信國際電訊CPC，不單以香港為基地，並向外國擴展。CPC收
購咗歐洲Linx Telecommunications，馬不停蹄進行整合；副總裁Daniel Kwong
訪問完愛沙尼亞及塞爾維亞歸來。Daniel話愛沙尼亞人口只有130萬，IT教育相
當出名。


愛沙尼亞處於四戰之地，歐洲大陸與俄羅斯之間。所謂弱國無外交，多年來被
不同國家佔領。二戰期間，輪流被納粹德國及前蘇聯侵佔；獨立後先後加入北
約及歐盟。北約在愛沙尼亞首都塔林成立協作網絡空間防禦卓越中心，加強網
絡防禦能力及蒐集情報。Daniel話CPC一向在法蘭克福設有數據中心，未來會
擴展至塔林及莫斯科，亦會在歐洲推廣SmartCloud雲運算及TrustCSI保安服務
。


中信國際電訊CPC獲得VMware嘅vCAN大獎，SmartCloud一直利用VMware技
術，國內企業市場表現甚佳，側聞北京新數據中心快落啟用，全球一百四十多
個主要城市落地。

Innovix高峰會

上星期去咗Innovix高峰會，假尖沙咀美麗華酒店舉行，Innovix係JTH集團屬下分銷業務。JTH前身即係Jardine OneSolution，屬下除咗擁有Innovix，仲有正在Rebranding嘅JOS。側聞JOS正重整旗鼓，重新部署亞洲區科技整合業務。不過兩家公司相當獨立，各有各做，分銷同IT整合，完全分開。

地區性IT整合業務，有P仔同大地瓜之外；亞太區幅蓋範圍之內，唔少電訊公司亦有科技整合業務，競爭劇烈。數碼化轉型之下，企業IT支出愈來愈大，揸顛想分一杯羹，亦屬正常。JOS坐館Eric，曾經Atos做過一段時間，好清楚本地市場，但現時在市場招兵買馬，亦唔容易。

分銷業務Innovix最大競爭對手，當然係全球最大IT分銷商Ingram Micro。去年底，海航集團約以60億美元收購Ingram Micro，之後似乎無乜動靜。原先估計，IM應該會在內地擴張，挑戰神碼地位。最近，海航大手筆做公關宣傳，又請唔少記者遊海南島，响電視澄清財政好健全，又話本港四奪啟德投地，相當部分用嚟做員工宿舍，唔知會唔會益IM員工？

講番Innovix高峰會，當然見到Innovix董事總經理Karly Li招呼客人。現場亦見到各家廠商，事後Karly同各廠商大合照，從照片所見表情，各廠商應對Innovix服務，相當滿意。

IT市場變天

上星期AWS開高峰會議，國泰航空 IT部門總經理Lawrence Fong上台現身說法，講點樣利用AWS，解決國泰一年前IT服務困境，而國泰亦似乎會利用AWS作Agile development，加快應用開發周期。國泰航空一向採用I記及O記設備，結果竟被AWS取代，亦始料不及。

舊年六月左右，國泰網上訂票系統因為技術問題一度關閉，連熱線電話都無法打通，乘客怨聲載道，結果被AWS冷手執咗熱煎堆；Lawrence Fong作為客仔，IT部門大把筆席，無必要為邊一家公司唱好，鳴鑼開道，今次願意親身上台推薦，當然肯定係由衷之言。奇就奇在香港賣雲服務，又唔係AWS獨家經營？其他公司可能顧住推銷硬件，萬一漏萬，當然未必願意建議客仔用雲，結果反被乘虛而入。

AWS開始在香港興建數據中心，大展拳腳，擴充當然要請人，求才若渴。雖然話在AWS打工，收唔少股票，以AWS增長趨勢，亦好容易發達。今次AWS高峰會，竟遇見前HP公關大員Linda Yung。AWS即將在本港有唔少破席，特別係開發金融服務業市場。Linda一直為HP開發企業市場，加入AWS，預見雲服務市場，肯定相當熱鬧。

AWS最大競爭對手當然係Azure，唔少企業因為Office 365，採用Azure服務，Azure亦積極推出新服務，連續減低收費迎戰AWS。

I記嘅BlueMix亦不斷加強宣傳。側聞Francis Ngai坐正後，好快會改組部門，減少設備部門同雲服務之間衝突。傳聞O記亦正進行史上最大一次改組，整調業務方向，完全以雲服務為焦點。

上星期O記公佈業務，收入比預期好，股票升到新高，雲服務IaaS收入有兩成幾
增長，同期AWS收入增長，就達到四成幾。2017年首季，AWS雲服務收入達到
三十七億美金，實在驚人，其中營業溢利達到八億九千萬美金，原因之一係獲得
唔少大企業客戶，AWS進攻企業市場只係剛開始，其他對手恐怕要嚴陣以待。

數據分析中醫處方

上星期遇見Nutanix一位舊人，提起近期市場。超融合市場幾乎爭崩頭，HPE及思科紛紛推出超融合；Nutanix股價亦因而受壓，前北亞區經理陸陽David Lu，就去咗Barracuda做IT保安。近期wannacry勒索病毒爆發之後，中國內地生意唔錯，David可能會負責埋香港。

不過wannacry對本港影響並無外地嚴重，可能係宣傳得力，大家及早防範。而前Nutanix孖屐亭Pacila Lui則去咗Veeam，發展亦唔錯。Veeam在保護數據方面增長迅速，唔少人中咗勒索病毒，索性用Veeam復原，慳番筆贖金。

除咗保安好做，大數據亦流行，本港最多銀行同公共事業採用，相信可能係SAS。SAS聯同香港大學統計及精算學系，每年舉辦HKU Innovative Data Mining Application Awards，今年已去到第12屆。

港大精算系學生利用分析工具，從人力資源管理、心理學同埋中醫等，在不同範疇收集數據，加以分析提交計劃書，應對現實生活各種挑戰。冠軍係「數據驅動人才挽留計劃」計畫書，應用數據挖掘技術在人力資源管理上；不過類似技術市場上早已有之，Cloudera亦有同星展銀行做過相關計畫。而第二名就係「如何通過面部表情識別情緒」，亦係熟口熟面。

反而第三名嘅計畫書，應用數據挖掘去認識中醫藥，方法係驗證中醫處方之時，研究有否用特定模式去中醫執藥時；項目會根據草藥組合、特性及元素，作三方面驗證，分析處方內容。

呢個題目相當有創意，而參賽隊名竟然叫「The Yellow Green Doctors」，唔怪得SAS香港總經理Wilson Ho亦話：「打造智慧數碼城市，商業分析及數據挖掘係重要一環，好很高興見到學生用創意，將知識運用到現實生活。」數據分析去研究中醫處方，果然夠晒創意。