支付大戰

香港唔少用戶使用WeChat通訊，唔少亦人已有WeChat Pay，上星期「中銀香港」與WeChat Pay香港宣佈，促進本港流動P2P支付應用，中銀信用卡新登記WeChat Pay香港新用戶，獲贈港幣10.88元WeChat 利是。

用戶使用香港地區發行港幣中銀VISA/萬事達卡信用卡，進行WeChat Pay交易，例如與朋友分賬或轉賬，再獲額外一倍簽賬積分。

今次唔係中銀首次同WeChat合作，新年亦試過推廣派利是。但以WeChat Pay，大陸錢包用途更廣，在內地用微信支付更加方便。

另一隻正在香港推廣嘅支付寶HK，亦已推出手機 APP。除咗淘寶亦可在香港使用手機支付，百佳大部分聯營都收支付寶，可到七仔或OK便利店充值，渣打網上銀行也亦可為支付寶HK充值；綁定中銀信卡支付寶HK或餘額在淘寶結帳，推廣期內免收手續費。

雖然話香港唔少信用卡有銀聯，亦可以入仔支付。但國內唔少商家，只願收WeChat Pay或支付寶，舊年改用實名制後，香港人想用大陸錢包更麻煩。即使開立錢包，入數又係另一煩惱，唔少人往建行用陸港通龍卡︰可在香港操控內地戶口，然後過數。但陸港通龍卡至少要有五千港元結餘，否則要付戶口管理費用。

不過本地P2P，最成功可以話係獅子銀行PayMe，收款馬上到賬，甚至可以由信用卡過數去人哋戶口，再入銀行戶口套現；非常厲害。但反觀八達通「好易畀」O! ePay，口碑一般，相信要加一把勁。