火眼收購Mandiant

收到火眼珊姐來電，話火眼剛以近十億美金收購Mandiant，呢家公司專做電腦法證Forensic，曾揭發解放軍「六一三九八部隊」發動攻擊蒐集情報，論驚心動魄，當然遠不及施諾登事件。火眼股價隨即升咗四成至五十七美金高位。

火眼除咗珊姐，又請咗新人，負責港台業務，唔少FSI計畫部署火眼，如今加上Mandiant，可偵查Endpoint風險，銷售人員肯定愈來愈多，話唔定請位本地孖屐亭。火眼嘅Dave DeWalt同Mandiant嘅Kevin Mandia兩位CEO，係美國IT保安界一時瑜亮，股價反映市場對管理層信心。

另一家舊年升得好急叫Splunk。Splunk做 SIEM之餘，可處理火眼 Log檔。咪記前乾收銀Gareth去咗做銷售，話Splunk用途廣途，唔少F5客仔亦購買Splunk做監察用途。另外唔少公司為遵從PCI驗證，須經過審核，好費人力，Splunk從記錄檔蒐集資料，自動編制產生報表，慳番好多人手。Splunk在SIEM市場好強，舊年單記SIEM產品SSIM九月已停止銷售，唔少客戶陸續轉用Splunk。Splunk亦直接對HP旗下ArcSight構成打擊。

新一年人事變動，HP宣佈會裁減三萬四千人，HP擴大裁員，其中除PC銷量跌幅大過預期，業務轉型比預期慢。HP唔似I記，靠IT服務推動軟件生意，硬件响虛擬化潮流下，愈來愈難做。

負責Aurba港台嘅Barry Lo聽講亦離開，話番去O記。Barry以前做咗好耐太陽，今次可以話係歸隊。Aurba產品唔錯，但Barry可能比較鍾意做軟件生意。

CSL被HKT收購，CSL全面停擺，三月前可抖返吓，FMC唱入雲霄，至今無乜動靜。收購CSL係咪有協同效應？真係難講，CSL唔少都係P仔舊人，收購後大家熟口熟面。