MIX展示本地薑製作

今個星期五，咪記在金鐘港麗酒店，舉行每年一度MIX essentials的Web技術展示會，介紹新一代Web 2.0嘅技術，內容好精釆，不容錯過。

據負責MIX嘅Harris透露，今次唔會好似一般產品介紹，搏命做簡佈，反而有大量實戰案例，集中講吓Web技術唔同用途，當然唔少得介紹開發平台；如SilverLight及ExpressionWeb，包括Aston Martin用Super Zoom技術，介紹新車內籠嘅豪華設備。

不過，月亮並唔一定外國特別圓，MIX亦介紹好多間本港企業開發嘅Web應用。其中Live嘅部分相當有趣。一般印象以為，Windows Live服務只有Hotmail及Messenger即時通訊，社交網絡服務，Live其中一項功能係地圖搜尋。

一般人搵地圖，只係搵下點樣去某處地點。香港有物流公司，車隊縱橫內地，用咗Windows Live裡面嘅中國Virtual Earth地圖，追蹤大陸嘅車隊即時位置。Harris話做法好簡單，主要係Live已經開放咗API，俾第三者開發應用程式，只要將GPS蒐集回嘅坐標數據，套入地圖嘅API，就可以知道貨車嘅確實位置，究竟响邊條街行緊。

其實Google和Live都有Map功能，不過據講中國地圖，Live詳盡好多。Live唔能夠好似美國地圖一樣，連街景都睇得到。但係至少每個城市街道，都相當詳細。 Harris話中國嘅製作地圖好多限制，例如唔准有衛星地圖。

除咗Virtual Earth開放咗API，Live Messenger亦一樣得，其中一項示範，响瀏覽器內加上Messenger功能。用戶在網頁上，可以知道版主是否在線，即使電腦無安裝IM，例如咖啡室內，即時發訊息，類似 Mashups功能，相當方便。

Harris話今次亦會介紹Silverlight 2.0突破。2.0串流速度比更快，可支援.Net平台，開發語言不再限於Javascript。目前，唔少公司已經採用Silverlight開發薄客戶，因為Silverlight可以在幾種平台執行，包括Linux，而且開發好簡單，別特係用嚟夾Sharepoint。

MIX亦會展示高級廣告片段製作方式，例如在廣告片段落中間，輕鬆加插效果。Silverlight可製作好專業嘅動畫，包括在不規則表面播放，甚至製作倒映效果。呢啲功能在Flash裡面好難做得到，Silverlight在專業廣告市場好有前途。