阿里研究大數據

阿里巴巴宣佈，聘請《大數據》作者涂子沛加入出任副總裁。呢位涂成為阿里研究部門iDST（Institute of Data Science & Technologies）三位負責人之一，主導研究大數據經濟(Data economy)同應用。

iDST咗2014年成立，協助阿里做前瞻性研究與應用，包括機器學習、大數據挖掘、自然語言處理、移動搜索、多媒體識別等。美國好多科技公司亦有類似部門，作前瞻研究。

《大數據》唔係技術書籍，只屬於科普著作。作者本身在中國做過官方統計工作，然後留美進入Carnegie Mellon University。卡內基係美國電算研究殿堂級大學，電算系排名全球三位內。全球聞名用於教育嘅動畫電腦語言Alice，就係在卡內基開發。

涂先生從卡內基畢業後留美工作，受聘一家為美國政府提供數據服務嘅公司。

從中理解美國政府點運用大數據，作公共決策，以及數據公開嘅重要性。美國政府不單蒐集民意數據；亦立法例蒐集業務同環境數據，利用數據挖掘有助解決交通、醫療、保險、金融、社會保障決策，數據又對公民社會發展，有重要關係。中國進入都市化管理，涂先生有感於中國仍對大數據缺乏認知，數據透明更無從講起，終於興起寫書念頭；呢本書利用不少案例，令人茅塞頓開。

講起大數據，本港擁有最多公共數據嘅八達通，Kevin Goldmintz响10月份閃離，一直未搵到人選，尋尋覓覓，結果搵番張耀堂重做馮婦；張總會唔會研究吓涂子沛呢本大作？